გასული წლის დეკემბერში, კიმ ჯოუნსის მრავალრიცხოვანი ფანების არმიამ მაიამის სანაპიროზე მოიყარა თავი, წელს კი, პანდემიის ფარგლებში Dior-ის მამაკაცის უახლესი კოლექციის ჩვენება ონლაინ გაიმართა. 2021 წლის კოლექცია საკმაოდ განსხვავებული და კრეატიული მიდგომებით გამოირჩევა, თუმცა საზოგადოების ნაწილისთვის გარკვეული დეტალები ზედმეტად ფემინური აღმოჩნდა, ნაწილი კი, აღნიშნავს რომ მსგავსი სამოსი რეალური ადამიანებისთვის არ იქმნება. თუმცაღა ამჯერადაც დიდია იმ ადამიანების რიცხვი, რომლებიც ბრენდის ერთგული რჩებიან.