Marriott International-ის 5-ვარსკვლავიანი ბრენდის რეგიონში პირველი სასტუმრო ევროპის მასშტაბით ლიდერად ცნეს. ლე მერიდიენ ბათუმი სულ რამდენიმე თვეა რაც სტუმრებს მასპინძლობს. სასტუმრო პირველ ადგილზე სწორედ უმაღლესი სტანდარტების მომსახურებისა და კმაყოფილი მომხმარებლის დამსახურებით მოხვდა. ⠀
შეგახსენებთ, რომ ლე მერიდიენ ბათუმი დეველოპერული კომპანია რედკოს მორიგი წარმატებული პროექტია. Marriott International-ის ეს ბრენდი საქართველოში სწორედ რედკოს მოლაპარაკების შედეგად გაიხსნა და ის რეგიონშიც პირველი ლე მერიდიენ სასტუმროა. სასტუმრო განლაგებულია რედკოს გამორჩეულ პროექტში - ბათუმი თაუერ, რომელიც ბათუმის ყველა ვიზიტორის ყურადღებას იპყრობს მისი უნიკალური არქიტექტურით. ბათუმი თაუერ გარდა ლე მერიდიენ ბათუმისა ასევე მოიცავს პრემიუმ კლასის რეზიდენციებსა და კაზინო „ემფაერს“. ბათუმი თაუერის რეზიდენციების მფლობელებს აქვთ უნიკალური შესაძლებლობა, ისარგებლონ იმ ინფრასტრუქტურით, რომელსაც ლე მერიდიენ ბათუმი თავის დამსვენებლებს სთავაზობს.
ლე მერიდიენის ბრენდის ისტორია:
თითქმის ნახევარი საუკუნის წინ, პარიზში დაბადებული ბრენდის Le Méridien-ის რუკაზე ახალი ლოკაცია - ბათუმი 2020 წელს გაჩნდა. Destinations Unlocked - ბრენდის სლოგანია და მათი სასტუმროები მსოფლიოს სხვადასხვა კუთხეში შემოქმედებითად მოაზროვნე მოგზაურებს ევროპული სტილის ცხოვრებით ტკბობის შესაძლებლობას აძლევს.
Le Méridien თავის მიზნად ისახავს უცნობი ადგილების აღმოჩენას; მოგზაურობით, როგორც ცხოვრების სტილით, ტკბობას და ამას არწევს სწორედ ევროპული სულისკვეთების დაფასებით - იმის წარმოჩენით, რასაც „კარგად ცხოვრებას“ უწოდებენ ევროპელები.
Le Méridien Batumi ქალაქის შუაგულშია, ისეთ ადგილას, რომ ქალაქში თუნდაც რამდენიმე საათით ჩასული ადამიანი აუცილებლად შენიშნავს. 5-ვარსკვლავიანი სასტუმრო უნიკალური და კავკასიის უმაღლესი კომპლექსის - „ბათუმი თაუერის“ ნაწილია.
სასტუმროში 105 საუცხოოდ მოწყობილი ნომერი გვხვდება. მათ შავი ზღვის უმშვენიერესი ხედებით ამშვენებს. აქვეა ღია და დახურული აუზები, სპა და ფიტნეს ცენტრი, რესტორანი და ლაუნჯი ღია ტერასით, სადღესასწაულო დარბაზები, შეხვედრების ოთახები. მოკლედ, მნიშვნელობა არ აქვს, ბათუმში საქმიანი ვიზიტითაა ჩამოსული ადამიანი, თუ დასასვენებლად, Le Méridien Batumi - ში ყველა იპოვის სასურველ მომსახურებასა თუ ინფრასტრუქტურას. სასტუმროს ინტერიერის დიზაინი ევროპული ფესვებითაა შთაგონებული, გაჯერებულია შუა საუკუნის მოდერნიზმის პრინციპებითა და აშკარად იხდენს Timeless Chic-ის ესთეტიკასაც. გამორჩეული დეტალებითა და საუცხოო ელემენტებით სასტუმრო ინსპირაციისა და წარმოსახვისთვის იდეალურ სივრცეს ქმნის. ხაზგასასმელია ის ფაქტიც, რომ ინტერიერის კონცეფციაზე ქართულმა კომპანია “Rooms”-მა იმუშავა.
Le Méridien 1972 წელს ფრანგულმა ავიაკომპანია Air France-მა შექმნა. Le Méridien Marriott International - ის შემადგენლობაშია. დღეს Le Méridien-ის 100 სასტუმრო მსოფლიოს 35 ქვეყანაშია წარმოდგენილი და ბრენდმა საერთაშორისო აღიარებაც კარგა ხანია, მოიპოვა. ეს სახელი ევროპული მემკვიდრეობასთან, ხელოვნებასთან დაკავშირებულ და ხელოვნებით შთაგონებულ ნოვაციებთან და კულტურით, არტით გატაცებასთან ასოცირდება.