სამწუხაროდ, 2020 ბევრისთვის არ აღმოჩნდა ის წელი, რომელსაც ასე მონდომებით ველოდით, თუმცა ყველაფერი წარმავალია, შესაბამისად, ახალი წლის მოახლოებასთან ერთად ადამიანები განსაკუთრებული სიხარულით ელიან ცვლილებებს, რომლის გარდამტეხი პერიოდიც ჩვენს წარმოსახვაში ხშირად 31 დეკემბრის ღამეა. თუმცაღა ვარსკვლავებმა უკვე იწინასწარმეტყველეს, თუ როგორი იქნება 2021 სხვადასხვა ზოდიაქოს ნიშნის წარმომადგენლებისთვის, რომელთა შორისაც სამი ყველაზე იღბლიანი აღმოჩნდა.
როგორც India Times-ის მიერ გამოქვეყნებულ სტატიაში წერია, 2021 ყველაზე წარმატებული კუროს ნიშნისთვის იქნება, რომელსაც ბიზნესსაქმიანობის წარმატებასა და ფინანსური მოგების ზრდას უწინასწარმეტყველებენ. ამ ნიშნის ქვეშ დაბადებულებისთვის ყველაზე სასიამოვნო პერიოდები თებერვალში, აპრილსა და მაისში დადგება, ხოლო რაც შეეხება იღბლიან რიცხვებს, კუროებისთვის წელს წარმატებას - 7, 8, 9 და 69 მოიტანს.
იღბლიანი იქნება წელი მორიელებისთვისაც, რომლებსაც წელს რაციონალურობის, სიმშვიდისა და ემოციური ბალანსის მიღწევას უწინასწარმყველებენ. მათი საქმიანობა მეტად კრეატიული და სტრატეგიული იდეებით იქნება სავსე, ხოლო ის ადამიანები, რომლებსაც სასიყვარულო ურთიერთობაში პრობლემები ჰქონდათ, სანდო მეგზურს იპოვიან.
მიუხედავად იმისა, რომ სექტემბრიდან ოქტომბრის შუა რიცხვებამდე რეტროგრადული მერკური ელოდება, წელი წარმატებული იქნება სასწორის ნიშნისთვისაც. სამსახურეობრივ ასპარეზზე მათ დაწინაურება და ახალი გამოწვევები ელით, თუმცა მთავარი საკუთარი თავის რწმენა და გარეფაქტორებისთვის დიდი მნიშვნელობის მინიჭებისგან თავის არიდებაა.