გასულ ზაფხულში ჯენიფერ ლოპეზს დაბადების დღეზე საყვარელმა მამაკაცმა 203 000 $-ად შეფასებული Porsche აჩუქა, რამაც საზოგადოებისთვის კიდევ ერთი უცნობი დეტალი გახადა ცნობილი. როგორ საჩუქრის ემოციური გადაცემის დროს გაირკვა, ჯენიფერს 25 წელზე მეტია მანქანა არ უმართავს და ამის განსაკუთრებული მიზეზიც აქვს.

"კარიერის დასაწყისში ჩემი მანქანით დავდიოდი, მაგრამ საჭესთან რამდენჯერმე კინაღამ ჩამეძინა, რადგან ბევრს ვმუშაობდი. ახალგაზრდა ვიყავი და Honda Hatchback-ი მყავდა. რამდენიმე ავარიას ძლივს გადავურჩი, ამიტომაც მძღოლის მომსახურება შემომთავაზეს, დღეს კი, უკვე მეშინია საჭესთან დაჯდომის, რადგან მგონია, რომ გამოცდილება არ მაქვს,"- აღნიშნა მან.