თითოეული ყვავილი განსხვავებული მნიშვნელობის მქონეა. თუ გსურთ, განსაკუთრებული გზით გადმოსცეთ თქვენი სათქმელი, მაშინ ყვავილების ონლაინმაღაზია „საკურას“ დახვეწილი და სათუთად შერჩეული თითოეული ყვავილით შეძლებთ ამას. OK! ესტუმრა Sakura Flowers shop-ს, რათა გასაუბრებოდა მის დამფუძნებელს, სალომე ლიპარტელიანს.
რა გახდა თქვენი ონლაინმაღაზიის გახსნის ინსპირაცია?
Sakura Flowers shop-ის შექმნის იდეა, ერთი მოცეკვავე, ყვავილებზე შეყვარებული მეოცნებე გოგონას ახდენილი ზღაპარია. ყველაფერი კი ასე დაიწყო: მოგეხსენებათ, ყველა მარტოხელა დედის მიზანია იყოს ძლიერი, შემდგარი და დამოუკიდებელი ადამიანი. ინსპირაციის წყარო კი ჩემი შვილი − ანდრია გახდა, რომელიც მუდამ მჩუქნიდა ყველა იმ ყვავილს, რომლის მოწყვეტასაც თავისი პატარა ხელებით ახერხებდა. მეც ყველაფერს ვაშრობდი წიგნებში და დღემდე ასე გრელდება. ბევრს ჰგონია, რომ ჩემი ყვავილების მაღაზია უზარმაზარი კომპანიაა, შემდგარი გუნდით. სინამდვილეში კი Sakura Flowers shop-ში მხოლოდ ერთი „თანამშრომელია“− ჩემი 7 წლის შვილი. სწორედ ის მეხმარება ბევრი დეტალის მოწესრიგებაში, რაც ორივეს გვაბედნიერებს. მიუხედავად იმისა, რომ Facebook-ი გაყიდვების ერთ-ერთ მძლავრ პლატფორმას წარმოადგენს, ვერასდროს ვიფიქრებდი, რომ ღამით შექმნილი ონლაინმაღაზიის Facebook-გვერდისა და ერთადერთი Follower-ის ფონზე დილით უკვე შეკვეთა დამხვდებოდა. მას შემდეგ, ყოველ დილით, ჯერ კიდევ სანამ მზე ღრუბლებში ნებივრობს, Sakura Flowers shop-ში თაიგულების კომპოზიციები იბადება. მუშაობის პროცესში ყოველთვის მგონია, რომ თაიგულები „ისტორიებს ყვებიან“ თავიანთი შემქმნელი ფლორისტის შესახებ.
მთავარი ნიშა, რომელიც Sakura Flowers shop-ს ყვავილების სხვა მაღაზიებისგან გამოარჩევს...
Sakura Flowers shop-ის მომხმარებლების თქმით, ჩემი თაიგულები „საუბრობენ“. ისინი ყოველთვის აღნიშნავენ ჩემს დამოკიდებულებას მათ მიმართ.
გვესაუბრეთ თქვენი სამომავლო გეგმების შესახებ.
ჩემი მთავარი მიზანი მაღაზიის გახსნაა, რასაც სულმოუთქმელად ველით მე და ანდრია. ჩემი უდიდესი სურვილია, ეს არ იყოს უბრალო ყვავილების მაღაზია. ერთ სივრცეში წარმოდგენილი იქნება თემატურად მსგავსი სხვადასხვა პროდუქცია: ყვავილებისგან დამზადებული ნატურალური საპნები და ყვავილების უგემრიელესი ნაყინი, რომელიც ადგილზე დამზადდება. მინდა, შევქმნა ისეთი საუცხოო და ჯადოსნური გარემო, საიდანაც წასვლა არავის ენდომება.
საკონტაქტო ინფორმაცია:
Facebook: Sakura Flowers shop / ყვავილების მაღაზია საკურა
Instagram: sakura online flowers shop
592 99 88 68