კომპანია „ცელსიუსი“ მომხმარებელს სთავაზობს ინოვაციურ და მაღალხარისხიან პროდუქციას. აღნიშნულ მაღაზიათა ქსელში წარმოდგენილია ევროპული წამყვანი ბრენდები. უფრო ვრცელი და დეტალური ინფორმაციისთვის, OK! გაესაუბრა კომპანია „ცელსიუსის“ მარკეტინგის სამსახურის ხელმძღვანელ სოფო ახალაიას.

გვიამბეთ კომპანია „ცელსიუსის“ დაარსების შესახებ.

დიდი ხნის განმავლობაში ვფიქრობდით თანამედროვე მაღალკვალიფიციური კადრებით დაკომპლექტებული, ევროპულ სტანდარტს მორგებული კომპანიის დაფუძნებაზე. იდეის განსახორციელებლად საჭირო იყო პროფესიონალთა გუნდი, რომელიც მომხმარებელს შესთავაზებდა ხარისხისა და ფასის იდეალურ თანხვედრას. საბოლოოდ, მოვახერხეთ ასეთი გუნდის შეკვრა და მოლაპარაკებები დავიწყეთ იტალიურ ცნობილ ბრენდ ARISTON-თან, რომელიც ამ სფეროში საუკეთესოდ მიიჩნევა. დღეს ჩვენ შეგვიძლია ვთქვათ და ვიამაყოთ, რომ საქართველოში უკვე არსებობს კომპანია „ცელსიუსის“ სახით, რომელიც ქართველ მომხმარებელს შესთავაზებს მაღალხარისხიან ევროპულ პროდუქციას, რომლის გამართულ მუშაობაზე პასუხისმგებელნი იქნებიან ქართველი პროფესიონალები.

რა ტიპის პროდუქციას სთავაზობს კომპანია „ცელსიუსი“ მომხმარებელს?

კომპანია „ცელსიუსი“ მომხმარებელს სთავაზობს გათბობა-გაგრილების, კონდიცირების, წყალგაყვანილობისა და მზის სისტემების ფართო არჩევანს.

ვიზუალიდან გამომდინარე, პროდუქციის რამდენად ფართო არჩევანს სთავაზობს ARISTON-ი მომხმარებელს?

ARISTON-ი სხვადასხვა კლასის პროდუქციას გვთავაზობს, რომელიც მრავლადაა წარმოდგენილი მაღაზიებში. კლიმატური ცვლილებების გამო, ასევე გასათვალისწინებელია ეკოლოგია, ენერგოეფექტურობა, უსაფრთხოება და მომხმარებელზე მორგებული თანამედროვე პირობები. აღსანიშნავია ისიც, რომ ARISTON-ს მსოფლიოს სხვადასხვა ქვეყანაში ჰყავს წარმომადგენლობა და პოზიციონირებს, როგორც წამყვანი ბრენდი.

მთავარი ნიშა, რომელიც „ცელსიუსს“ მსგავს პროდუქციაზე მომუშავე სხვა კომპანიებისგან გამოარჩევს...

ჩვენს კომპანიას გამოარჩევს ხარისხიანი პროდუქცია, კომპანიის ოფიციალური გარანტია, პროფესიონალთა გუნდი, თანამედროვე ტექნოლოგიები, ოფიციალური სერვისი და მომხმარებლებზე მორგებული თანამშრომლები.

სად შეუძლია მომხმარებელს თქვენი პროდუქციის შეძენა?

„ცელსიუსი“ ნოემბრიდან შემოვიდა ბაზარზე. პანდემიის მიუხედავად, საკმაოდ მოკლე პერიოდში, ჩვენ გავხსენით ოთხი მაღაზია თბილისსა და ზუგდიდში, ვიხსნებით ბათუმშიც. გარდა „ცელსიუსის“ ქსელისა, პროდუქცია საქართველოს მასშტაბით სხვადასხვა ობიექტშიც არის წარმოდგენილი.

გაგვაცანით თქვენი სამომავლო გეგმები.

ნებისმიერი ახალი კომპანიისთვის მნიშვნელოვანია ზრდა, განვითარება და გაფართოება. წლის ბოლომდე ჩატარდება ტრენინგები და შეხვედრები ონლაინრეჟიმში. იგეგმება ევროპის სხვადასხვა ქვეყანაში მომწოდებლებთან სტუმრობა და თანამშრომლების გადამზადება. ასევე, პანდემიის მიუხედავად, ვგეგმავთ ახალი მაღაზიების გახსნას საქართველოს სხვადასხვა რეგიონში. თითოეული დამატებითი თანამშრომელი და პროფესიონალი, წინგადადგმული ნაბიჯია კომპანიისთვის. ვაპირებთ თანამშრომლობას ევროპის სხვადასხვა წამყვან ბრენდთან. იმედი გვაქვს, უახლოეს მომავალში გამოჩნდებიან ადგილობრივი მწარმოებლებიც, რომლებიც შემოგვთავაზებენ ქართულ პროდუქციას.

კომპანიის საკონტაქტო ინფორმაცია:

„ცელსიუსის“ მაღაზიათა ქსელის მისამართები:

თბილისი, ბელიაშვილის 136, აქვე მდებარეობს სათავო ოფისიც; თბილისი, წერეთლის 117; თბილისი, ე.წ. ელიავას ბაზრობა (კოსმონავტების 23ა); ზუგდიდი, გამარჯვების 8;

Celsiusi.ge    |   Facebook: ცელსიუსი   |   ცხელი ხაზი: 2 05 29 30