კიმ კარდაშიანისა და კანიე უესტის ურთიერთობაში კრიზისი, როგორც ჩანს, პანდემიამდე დიდი ხნით ადრე დაიწყო, თუმცაღა რეპერმა ამის შესახებ მხოლოდ ახლა ისაუბრა. "მე ვცდილობდი კიმთან განქორწინებისთვის მიმეღწია იმ დღიდან, როცა ის მიკ მილს შეხვდა ვალდორფში, რათა ციხის რეფორმები განეხილა. მიკი ჩემი მეგობარია, კიმმა ყველაფერი გააფუჭა... მე ხუთ მილიარდ დოლარზე მეტი ვღირვარ, მათ კი, განცხადება ჩემი ჩარევის გარეშე გააკეთეს. ცოლი ასე არ უნდა იქცეოდეს," - დაწერა მან.
მეუღლის მოულოდნელი აღიარება, რომლის მიხედვითაც ის უკვე 2 წელია ცდილობს ცოლს დაშორდეს, კიმიც გამოეხმაურა. მან ინსტაგრამზე დაწერა, რომ მეუღლის განცხადება მისი ჯანმრთელობის მდგომარეობით არის განპირობებული.
"როგორც ბევრმა თქვენგანმა იცის, კანიეს ბიპოლარული აშლილობა აქვს. ყველას, ვისი ახლობლებიც ამ აშლილობით იტანჯებიან, ესმით თუ რა რთულია ამ ყველაფრის გაგება. მე ამ საკითხის შესახებ საჯაროდ არასდროს მისაუბრია, რადგან ჩემი შვილებისა და მეუღლის ინტერესებს ვიცავდი, არ მინდოდა ლაპარაკი იმაზე, თუ როგორ ზეგავლენას ახდენს ეს მდგომარეობა ჩვენს ოჯახზე, თუმცაღა დღეს მივხვდი, რომ საჭიროა ამაზე საუბარი, რათა არასწორი ინტერპრეტაციები ავიცილოთ თავიდან." - აღნიშნავს ის.
შეგახსენებთ, რომ ბიპოლარულ აშლილობას მანიაკალური დეპრესიის სახელითაც მოიხსენიებენ. აშლილობა იწვევს განწყობის ექსტრემალურ ცვალებადობას, რომელიც გამოხატულია ემოციური მანიაკალური ან ჰიპომანიაკალური ეპიზოდებითა და დეპრესიით.