კანიე უესტი 2020 წლის საპრეზიდენტო არჩევნებში იღებს მონაწილეობას და უკვე დაიწყო კამპანია სამხრეთ კაროლინაში, სადაც ის აბორტს, იარაღის ტყარებასა და რასიზმს შეეხო. თუმცაღა ყველაზე ემოციური ის მონაკვეთი გახლდათ, რომელშიც აცრემლებულმა რეპერმა აბორტზე ისაუბრა.

მან გულშემატკივარს საკმაოდ მოულოდნელად გაანდო, რომ მეუღლესთან - კიმ კარდაშიანთან ერთად გადაწყვეტილი ჰქონდა პირველი ქალიშვილის - ნორთ ვესტზე ორსულობის დროს აბორტისთვის მიემართათ.

თუმცაღა გადაწყვეტილებაზე ხელი, როგორც რეპერი ამბობს, მას შემდეგ აიღეს, რაც მან უფლისგან მიიღო მინიშნება. "როდესაც ჩემმა გოგომ (კიმმა) დამირეკა და ტირილით მითხრა მისი ორსულობის შესახებ, მე პარიზში ვიყავი და კომპიუტერით ვმუშაობდი. ზუსტად იმ მომენტში ჩემი ეკრანი შავ-თეთრი გახდა და ღმერთმა თქვა, თუ შენ ჩემს ხედვას შეაფერხებ, მე იმავეს დავმართებ შენსას. დავურეკე კიმს და ვუთხარი რომ ამ ბავშვს შევინარჩუნებდით,"- აღნიშნა მან.