დავა ემბერ ჰერდსა და ჯონი დეპს შორის კიდევ უფრო მძაფრ ფაზაში შედის. თუ აქამდე საბრალდებო სკამზე ჯონი დეპი იყო და მისგან მორალური ზიანის გამო, მატერიალურ ანაზღაურებას ემბერ ჰერდი ითხოვდა, ამჯერად სიტუაცია რადიკალურად შეიცვალა და ამ უკანასკნელზე გავრცელებული ისტორიების გამო, მას ხშირად აკრიტიკებენ სოციალურ ქსელებში, ჯონი დეპის დასაცავად კი, მისი ყოფილი საყვარელი ქალბატონებიც კი გამოდიან.
ამჯერად გაჟღერებული ინფორმაცია კვლავ ემბერისა და ილონ მასკის რომანს ეხება, რომელიც ორივე მათგანმა უარყო - ისინი აღნიშნავდნენ რომ შეხვედრები მხოლოდ ჯონისა და ჰერდის დაშორების შემდეგ დაიწყეს.
თუმცა სოციალურ ქსელებში გამოქვეყნებულ კადრებს, რომლებზეც ილონ მასკი და ემბერ ჰერდი დეპის პენტჰაუზის ლიფტში არიან, ისიც დაემატა, რომ გავრცელებული ოფიციალური ინფორმაციით ჰერდმა მასკს სახლის გასაღებიც მისცა, რათა რეგულარულად შესძლებოდა მისი ნახვა.
