სოციალურ ქსელებში არცთუ ისე ცნობილი პიროვნების ვიდეოებს იშვიათად თუ აქვთ ისეთი გამოხმაურება, როგორიც ჯულია ქეროლანის TikTok-ჩანაწერს მოჰყვა რამდენიმე საათის წინ. ლამაზმანი, რომელიც ამჯერად სამოდელო კარიერაში დგამს პირველ ნაბიჯებს, ცოტა ხნის წინ Nobu-ს - ლოს -ანჯელესის ერთ-ერთი ყველაზე პრესტიჟული რესტორნის მიმტანი იყო და შეხება უამრავ ცნობილ ვარსკვლავთან ჰქონდა, რომელთა შესახებაც ახლა გულახდილად ალაპარაკდა.
გოგონა აღნიშნავს, რომ მათ შორის ყველაზე თბილები ჯიჯი და ბელა ჰადიდები იყვნენ. "ისინი უჩვეულოდ ზრდილობიანი და მეგობრულები არიან მომსახურე პერსონალისადმი, ეს ვარსკვლავებს შორის ნამდვილად იშვიათია," - აღნიშნა მან.
რაც შეეხება ჰადიდების მეგობარს - ჰეილი ბიბერს, როგორც ჩანს, ის ასე მარტივად ვერ იმსახურებს გარშემომყოფების სიმპათიას. "მე მას რამდენჯერმე შევხვდი და ეს ნამდვილად არ ყოფილა სასიამოვნო გამოცდილება," - აღნიშნა მან და რეიტინგში ცნობილ მოდელს 10-დან მხოლოდ 3.5 მიანიჭა.
აღნიშნული კომენტარი უყურადღებოდ არ დაუტოვებია ჰეილისაც, მან საჯაროდ მოიხადა ბოდიში და აღნიშნა, რომ მისი განზრახვა არ ყოფილა ვინმეს წყენინება.
ყველაზე დაბალი შეფასება - 10-დან 2 კი, კაილი ჯენერმა დაიმსახურა, რომელიც მილიარდერის სტატუსის მიუხედავად საკამოდ ხელმოჭერილი აღმოჩნდა, "ის საყვარელია, მაგრამ 500$-იანი ვახშმის შემდეგ ჩვენთვის მხოლოდ 20 $-ს იმეტებდა,"- აღნიშნა ჯულიამ.