ჯიმ ქერი არ მიეკუთვნება იმ ვარსკვლავებს, რომელთა პირადი ცხოვრების დეტალები ფართო საზოგადოებისთვის მარტივადაა ხელმისაწვდომი, თუმცაღა როგორც ჩანს, ხანდახან ის სულგრძელია მრავალმილიონიანი გულშემატკივრისადმი და ამჯერად ჟურნალთან - Sirius XM-თან ინტერვიუში ქალბატონზე საუბრობს, რომელიც მისთვის ყოველთვის განსაკუთრებული იქნება.
საქმე რენე ზელვეგერს ეხება, რომელთან რომანიც მან მას შემდეგ დაიწყო, რაც ცნობილმა ვარსკვლავებმა ერთად ითამაშეს 2000 წელს გამოსულ ფილმში - "Me, Myself & Irene".
ქერი და ზელვეგერი, რომელიც ამჟამად 51 წლისაა, ერთწლიანი რომანის შემდეგ დაშორდნენ, მაგრამ მისდამი გრძნობები ჯიმს ჯერაც არ განელებია.
"ის ჩემთვის ნამდვილად ყველაზე განსაკუთრებული იყო, ჩემი ცხოვრების ნამდვილი სიყვარული," - სწორედ ასე იხსენებს ქერი საყვარელ ქალბატონს.