ქართულ კინოინდუსტრიაში გამორჩეული მენტორულ-მეგობრული დუეტი პანდემიის პერიოდში ახალ პროექტებზე მუშოაბას განაგძნობს. სანამ ახალ პროექტებზე მოგიყვებით, მოკლედ გავიხსენოთ რეჟისორების წინა პროექტები. კინორეჟისორმა გიგა აგლაძემ კავკასიაში ჰოლივუდის ლეგენდარული რეჟისორის დევიდ ლინჩის ფონდი დაარსა და 2017 წლიდან მისი პრეზიდენტის პოსტ იკავებს. გასული წლის ზაფხულში მისი რეჟისორობითა და პროდიუსერობით შეიქმნა მხატვრული ფილმი „სხვა მე“ , რომლის აღმასრულებელი პროდიუსერი სწორედ დევიდ ლინჩია. ფილმში მთავარ როლებს ასრულებენ ჰოლივუდის ისეთი ვარსკვლავები, როგორებიც არიან: ჯიმ სტარჯესი, ანდრეა პეჯიკი, ჯორდი მოლა, რონა მიტრა, ანტონია კემბელ ჰიუსი, როჯერ ეშტორ გრიფიტი, მაიკლ სოკა და ორლა ბრედი. გადაღებები საქართველოში მიმდინარეობდა. ფილმი უკვე დასრულებულია და მალე კინოფესტივალურ ცხოვრებას დაიწყებს.
გიგა აგლაძისა და ახალგაზრდა რეჟისორის გიორგი ქადაგიძის პროფესიული პარტნიორობა სწორედ ამ ფილმის ფარგლებში შედგა, სადაც გიორგიმ ჯერ გიგას თანაშემწედ დაიწყო მუშაობა, შემდეგ კი ფილმის ასოცირებული პროდიუსერი გახდა. მენტორისა და მოსწავლის მუდმივი კარიერული თანაკვეთა და მეგობრული დამოკიდებულება საკმაოდ თვალსაჩინო და სასიხარულოა.
2020 წლის ივნისში ისინი უკვე ახალ დამოუკიდებელი პროექტებს შეუდგნენ.
გიგა აგლაძემ ახლახანს დაასრულა მოკლემეტრაიანი მხატვრული ფილმის გადაღებები თბილისში.
ფილმის სცენარიც თავად რეჟისორს ეკუთვნის. „ივნისის 47 - ე დღე“ სასაიყვარულო ისტორიაზე დამყარებული ფსიქოლოგიური დრამაა. მოქმედება ვითარდება მიმდინარე წლის პანდემიის კარანტინის პერიოდში.
ფილმის მთავარი გმირები არიან ახალგაზრდა ადამიანები, რომლებიც კარანტიტის სიცოცხლე მოკლებულ რეალობაში პოულობენ ერთმანეთს. მაყურებელი ფილმისგან მისტიურ შეგძნებებს და რეჟისორისთვის დამახასიათებელ ხელწერას უნდა ელოდოს. კინოსურათში მთავარ როლებს ქართველი მსახიობები ბიჭკა ჭეიშვილი და თამარ ხუჭუა ასრულებენ.
კინოსურათის შექმნაზე გიგა აგლაძესთან ერთად მუშაობდა კინოსტუდია „ კავკასიის კინო სერვისი“.
გიორგი ქადაგიძე კი კინოსურათის გადააღებების მზადების პროცესშია. „მემენტო მორი“ ეს არის ფსიქოლოგიური დრამა, რომელსაც ლაიტმოტივად გასდევს ფილოსოფიური იდეა დღევანდელი დღით ცხოვრების შესახებ. როგორც თავად რეჟისორი და სცენარის ავტორი ამბობს , ფილმის მთავარი სათქმელი სწორედ ეს იდეა იქნება. ფილმის პროსიუდერები არიან: დავით ელიზარაშვილი და აკო მაჭავარიანი.
კინოსუათის აღმასრულებელი პროდიუსერობი იქნებიან გიგა აგლაძე და ჰოლივუდის ერთერთი ცნობილი მსახიობი, რითაც ფილმის მომავალ წარმატებაზე უკვე შეგვიძლია ვიმსჯელოთ. ფილმში მთავარ როლებს ასრულებენ: ზურა ყიფშიძე, მატილდა გვარლიანი და გიორგი ტიგინაშვილი. მუსიკას სპეციალურად ფილმისთვის ცნობილ ქართველი კომპოზიტორი დავით ევგენიძე წერს. კინოსურათის შესაქმნელად გაერთიანდა სამი ქართული მასშტაბური კინოსტუდია. SILKFACTORY STUDIO ; SARKE; FILM ASYLUM. გადაღებისთვის მზადება უკვე დაწყებულია და რეპეტიციები მიმდინარეობს როგორც მსახიობებთან, ასევე ტექნიკურ გუნდათან ერთად. გადაღებები ივლისის დასაწყისში დასრულდება.
როგროც უკვე აღვნიშნეთ მენტორისა და მოსწავლის ურთიერთობა არც ამ პროექტებით სრულდება და ისინი კიდევ ერთი საერთაშორისო სრულმეტრაჟიანი კინოსურათის გადაღებებისთვის ემზადებიან.
რეჟისორობა ადრეულ ასაკში გადავწყვიტე, ბაბუაჩემიდან - ლევან ცუცქირიძიდან გამომდინარე ხელოვნებასთან ყოველთვის ახლო კავშირი მქონდა, თუმცა რეჟისორობაზე 16 წლამდე არ მიფიქრია. 16 წლის ასაკში კი ჩემი პირველი კინო „სიმართლის სიმფონია“ გადავიღე, სადაც მთავარ როლებს ზურა ყიფშიძე და ზაზა კოლელიშვილი ასრულებენ. ამ ფილმმა ძალიან დიდი გამოცდილება მომცა, ხშირად ვიძახი, ის ჩემთვის გარკვეულწილად კინო სკოლაც იყო. ამის შემდეგ დაიწყო ძალიან მნიშვნელოვანი ეტაპი ჩემს კარიერაში, იოანე ბაგრატიონის მეშვეობით შევხვდი და დავუმეგობრდი გიგა აგლაძეს. გიგას მიღწევები უკვე ყველასათვის ცნობილია. ის არაჩვეულებრივი ადამიანი აღმოჩნდა, ალბათ მან ჩემში დაინახა დიდი სურვილი და სიყვარული კინოს მიმართ და ბოლომდე გვერდით დამიყენა, ეს მეგობრობა დღემდე გრძელდება და ერთად კიდევ მრავალი გეგმები გვაქვს. გიგა ის ადამიანია რომელმაც საქართველოში ჩამოიყვანა ლეგენდარული დევიდ ლინჩი და არათუ უბრალოდ ჩამოიყვანა ლეგენდარულ კაცს საქართველო შეაყვარა... ვფიქრობ რომ გიგას მეშვეობით ძალიან ბევრი სარგებლის მიღება შეიძლება ზოგადად ქვეყნისთვის. ამის შემდეგ გადავიღეთ ფილმი სხვა მე, რომლის რეჟისორი და პროდუსერი გიგა აგლაძეა, მე გიგას კეთილი ნებით ამ ფილმის ასოცირებული პროდუსერი ვიყავი, რაც საშინლად დიდი პასუხისმგებლობა იყო და არის რადგან 8 პროდუსერიდან როდესაც ერთერთი შენ ხარ ხოლო მეორე დევიდ ლინჩი ცოტა საშიშია... ჩემი ფილმი რომელსაც ახლა ვიღებ და რომლის პროდუსერიც გიგაა, ძალიან დიდ გამოწვევად იქცა ჩემთვის რადგან ძალიან მაღალი რანგის პროფესიონალებთან ერთად მიწევს საკმაოდ კომპლექსური დრამატურგიული სცენარის ეკრანზე გადატანა. ვნახოთ რა გამოვა... სამომავლოდ რა თქმა უნდა ვგეგმავთ ფილმის ფესტივალებზე გაგზავნას, თანაც მას კიდევ ერთი გამორჩეული და მსოფლიოში ყველასათვის საყვარელი მსახიობი ყავს პროდუსერად, რომლის შესახებაც ცოტა მოგვიანებით მოგიყვებით.