იაპონურ მაღაზიათა ქსელი „მინისო“ მსოფლიოს 90 ქვეყანაში ათასობით ფილიალითაა წარმოდგენილი და ქართველ მომხმარებლებს დღეს უკვე 14 ფილიალში მასპინძლობს. „მინისო“ სხვა ბრენდებთანაც მეგობრობს და ამ ეტაპზე, მომხმარებლებს PINK PANTHER-თან, MARVEL-თან, CARTOON NETWORK-თან, INTERCOS-თან და PANTONE-სთან კოლაბორაციით შექმნილი კოლექციებით ანებივრებს. OK! „მინისოს“ მარკეტინგის დირექტორს, კატო პეტრიაშვილს ესაუბრა, რომელიც უფრო დეტალურად გვიამბობს კომპანიის სტრატეგიის, პრიორიტეტებისა და კიდევ სხვა საინტერესო თემების შესახებ.

რამდენი ხანია, რაც „მინისო“ ქართულ ბაზარზე გამოჩნდა?
„მინისო“, როგორც იცით, მსოფლიო მასშტაბის ბრენდია, 90-ზე მეტ ქვეყანაში 4000-ზე მეტი ფილიალით არის წარმოდგენილი და 2016 წლიდან საქართველოც შეუერთდა ამ ქვეყნების ჩამონათვალს. ამ დროის განმავლობაში, „მინისომ“ გარშემო ისეთი ადამიანები შემოიკრიბა, რომლებსაც გულით სჯერათ, რომ ცხოვრება მოულოდნელობებითაა სავსე და პატარა დეტალებით ჩვენი ყოველდღიურობის გახალისებაა შესაძლებელი.

„მინისოს“ მაღაზიათა ქსელებში წარმოდგენილია ათასობით დასახელების პროდუქცია. გვესაუბრეთ ხარისხზე.
„მინისოს“ დახლები 12 კატეგორიის პროდუქციას აერთიანებს და სხვადასხვა ქვეყნის წარმოების 8500-ზე მეტი დასახელების ფერად-ფერად ნივთს იტევს მაღაზიათა ქსელებში. აქ თქვენ ნახავთ ყველაფერს − საყოფაცხოვრებო, სამოგზაურო თუ ციფრულ აქსესუარებს, სპორტისა და ფიტნესის ატრიბუტებს, თავის მოვლის საშუალებებს, სათამაშოების სერიებს, სეზონურ პროდუქტებსა და საჩუქრებს ყველა ასაკისა თუ გემოვნების ადამიანისთვის. „მინისომ“ ბოლო წლების განმავლობაში საგრძნობლად გააფართოვა მწარმოებელი ქვეყნების არეალი. ჩვენთან გადააწყდებით ნივთებს, რომლებიც წარმოებულია იაპონიაში, ჩინეთში, გერმანიაში, იტალიაში, ესპანეთსა და ტაილანდში. „მინისო“ უკვე წარმატებით ოპერირებს ევროპის ქვეყნებში.

ზოგადად, „მინისოს“ ნებისმიერი ნივთი აუცილებლად გადის ხარისხის მრავალდონიან კონტროლს და მხოლოდ ამის შემდეგ ხვდება ჩვენს ფერად დახლებზე. ხარისხის კონტროლში კი არა მხოლოდ იაპონელი, არამედ მსოფლიოს სხვადასხვა ქვეყნიდან მოწვეული 300-მდე სპეციალისტებიც მონაწილეობენ.

რა მიგაჩნიათ „მინისოს“ უპირატესობად?
„მინისო“ ინოვატორი ბრენდია ამ სფეროში და თავისი ე.წ. copycat-ებისგან სწორედ ბრენდის უნიკალურობა გამოარჩევს. „მინისოს“ სტილი ძალიან თვალშისაცემია და ამაზე მეტყველებს კომპანიის არაერთი ჯილდოც. Global Miniso საერთაშორისო ჯილდოების − Red Dot Award, iF Award და License Award მფლობელია. Miniso Georgia-ს კი, შვეიცარიის საერთაშორისო სარეიტინგო ასოციაციის საერთაშორისო ჯილდო აქვს მიღებული.

მუდმივად განახლებადი, მრავალფეროვანი კოლექციების თითოეულ პროდუქტს უნიკალური დიზაინი და სასარგებლო ფუნქციური დატვირთვა აქვს, რაც სწორედ იმას ემსახურება, რომ ცხოვრება უფრო მხიარული, მარტივი და საინტერესო გახდეს.

ვინ არიან კომპანიის ძირითადი მომხმარებლები?
მგონია, რომ „მინისო“ ყველა ასაკის მომხმარებლისათვის განსაკუთრებული ბრენდია, რადგან ყველა ასაკისა თუ ინტერესის ადამიანს შეუძლია თავისთვის სასურველი ფერადოვნება აღმოაჩინოს. სწორედ ეს ფაქტი ხდის „მინისოს“ ძალიან განსაკუთრებულს. ხშირად გამიგია ჩვენი მომხმარებლებისგან ფრაზა, რომ „მინისო“ მუდმივად სიურპრიზებითაა სავსე და არასდროს იცი, რას გადააწყდები.

როგორ ინარჩუნებთ მოწინავე პოზიციას ბაზარზე, მაშინ, როდესაც კონკურენცია სულ უფრო და უფრო იზრდება?
ჩვენი მთავარი პრიორიტეტი ჩვენი მომხმარებლები არიან. ვცდილობთ, მუდმივად შევინარჩუნოთ ის კარგი გარემო, რომელსაც ვახვედრებთ ხოლმე ჩვენს ლოიალურ კლიენტებს. ასევე, ბევრი ეკონომიკური ხელისშემშლელი ფაქტორის მიუხედავად, მაინც ვინარჩუნებთ დაბალ ფასებს და ვცდილობთ, „მინისო“ ყველასათვის ხელმისაწვდომი ბრენდი იყოს.
ასევე, დიდი მადლობა მინდა გადავუხადო ჩვენი მაღაზიის არაჩვეულებრივ პერსონალს, რომლებიც ყოველთვის ქმნიან მომხმარებლებისათვის საყვარელ გარემოს ჩვენს ფილიალებში.

სამომავლო გეგმები...
ძალიან ბევრი გეგმა გვაქვს, რომლის განხორციელებაც კორონავირუსმა ცოტათი შეანელა. მიუხედავად ამისა, ვფიქრობთ, ამ პერიოდის გამოწვევები ძალიან წარმატებულად დავძლიეთ. გავაფართოვეთ ჩვენი გაყიდვის წერტილები, ჩვენი ონლაინმაღაზია, და „მინისო“ თითქმის ყველა წამყვან ონლაინგაყიდვების პლატფორმაზეა წარმოდგენილი. ასევე, ჩვენს პროდუქციას გადააწყდებით უკვე „გუდვილის“, „სმარტისა“ და „კარფურის“ მაღაზიათა ქსელებში.

რა თქმა უნდა, ეს ყველაფერი არ არის და მომავალში აუცილებლად ვგეგმავთ ფილიალების გაფართოებას. ჩვენს ერთგულ მომხმარებლებს კი კარგი და საინტერესო შეთავაზებებით არ მოვაწყენთ.