ვიქტორია და დევიდ ბექჰემებმა ქორწინების 21 წლის იუბილე განსაკუთრებულად სოციალურ ქსელებში ემოციური პოსტებითა და იშვიათი კადრებით აღნიშნეს. განსაკუთრებული ყურადღება დევიდის პოსტმა მიიპყრო, რომელშიც ის საუბრობს დღეზე, როცა მომავალი მეუღლე პირველად დაინახა.

45 წლის ვარსკვლავმა აღნიშნა, რომ ვიქტორია პირველად ტელევიზორში ნახა და ლატექსის სამოსში გამოწყობილი მომღერლით აღფრთოვანდა. "23 წლის წინ, ოთახში გარი ნევილთან ერთად ვიჯექი და ტელევიზორში Spice Girls-ის მუსიკალური რგოლი გადიოდა. მე მისკენ შემოვბრუნდი და ვუთხარი რომ გოგონა ტყავის სამოსით მომწონდა," - დაწერა მან.

შეგახსენებთ, რომ აღნიშნული სცენა, როგორც დევიდის ავტობიოგრაფიული წიგნიდან ირკვევა საქართველოში განვითარდა.

"ჩემმა მეუღლემ საფეხბურთო სტიკერების ამბომში აღმომაჩინა, მე კი, ის ტელევიზორში ვნახე.

1996 წლის ნოემბერია. თბილისში, სასტუმროს ნომერში ვზივარ. ხვალ საქართველოს ნაკრებთან უნდა ვითამაშოთ მსოფლიო ჩემპიონატის შესარჩევი მატჩი. გარი ნევილი გვერდით საწოლზე წევს. თუ თამაშებს არ ჩავთვლით, მოგზაურობა და გასვლები ძალიან არ მიყვარს. რეალურად ვერაფერს ათვალიერებ და მოსაწყენი ერთფეროვნებით ცხოვრობ.. ჭამ, გძინავს და ვარჯიშობ. მთელ დროს ატარებ ოთახებში, რომლებიც ერთმანეთს ძალიან ჰგავს," - იკითხება წიგნში.