2018 წელს მეგან მარკლისა და პრინცი ჰარის ქორწინების შემდეგ ძმების ჰარმონიული ცხოვრება ფაქტობრივად დასრულდა და დაპირისპირება, რომლის დასაფარადაც ბრიტანეთის სამეფო ოჯახი ძალას არ იშურებს, საზოგადოებისთვის მაინც გახდა ცნობილი.

როგორც ახალი წიგნის -Royal at War-ის ავტორები - დილან ჰოვარდი და ანდი ტილეტი იუწყებიან, შეუღლებამდე ქეით მიდლტონი პრინც ჰარის, რომელიც მას დად მიიჩნევდა, ურჩევდა არ აჩქარებულიყო, რადგან მეგან მარკლი უცხო იყო და დრო დასჭირდებოდა ოჯახთან შესაგუებლად.

ქორწინების შემდეგ კი, ურთიერთობა ძმებს შორის გართულდა და ამის განმაპირობებელ მიზეზებს შორის ამჯერად ის ხარჯებიც დასახელდა, რომლებიც ოჯახს პრინცი ჰარისა და მეგან მარკლის კომფორტის გამო დაეკისრა. 33 000 ფუნტი სტერლინგი მდიდრულ სასტუმროში 3 ღამის გასატარებლად და ნემსის მასაჟის თერაპია - 6000 ფუნტად მცირე ჩამონათვალია იმ სიაში, რომელსაც ავტორები ძმებს შორის უთანხმოების ერთ-ერთ საფუძვლად განიხილავენ.