მას შემდეგ, რაც ემბერ ჰერდმა ჯონი დეპი, მისი ყოფილი მეუღლე, ოჯახურ ძალადობაში დაადანაშაულა, ამ უკანასკნელმა მას სასამართლოში ცილისწამებისთვის უჩივლა, დავა უკვე რამდენიმე თვეა მიმდინარეობს და მისი მოგების შემთხვევაში, ყველასთვის საყვარელი ბეღურა ცნობილი ლამაზმანისგან 50 მილიონ დოლარს მიიღებს.

თუმცაღა საინტერესოა ის დეტალები, რომლებიც დავის ფარგლებში ვრცელდება და თუ ცოტა ხნის წინ, საზოგადოება ემბერ ჰერდისა და ილონ მასკის მოულოდნელ კადრებს გაეცნო, რომლებიც თავად დეპის საცხოვრებელი აპარტამენტის ლიფტშია გადაღებული, ამჯერად სიტუაცია კიდევ უფრო გამწვავდა.

როგორც Daily Mail-ის მიერ მოპოვებული მასალით ირკვევა, დეპი ყოფილი მეუღლის, ილონ მასკისა და კარა დელევინის სასიყვარულო სამკუთხედს ამხელს. რის დამამტკიცებლადაც 2019 წელს გადაღებულ ვიდეოს იყენებს, სადაც ემბერ ჰერდის მეგობრის ყოფილი ქმარი - ჯოშ ქრიუ კითხვაზე, იცოდა თუ არა კარასა და ემბერის ურთიერთობაზე ჯერ კიდევ მაშინ, როცა მსახიობი ჯონი დეპზე იყო დაქორწინებული, დადებითი პასუხი გასცა.

ამასთანავე, მან არც ის ფაქტი უარყო რომ სამმა ვარსკვლავმა ღამე ერთად გაატარა, თუმცაღა ზუსტი თარიღი ვერ დაადასტურა.