ბაღისა და ეზოს მოწყობა წარმოადგენს პროცესს, რომელიც რამდენადაც სასიამოვნოა, იმდენად შრომატევადია და მოითხოვს უამრავ იდეასა და გეგმას სრულყოფილი, თითქმის უნაკლო ექსტერიერის შესაქმნელად. დიზაინი შეიძლება გაკეთდეს ან თავად მფლობელის მიერ, თუ მსგავსი საქმიანობისადმი უნარი და გატაცება გააჩნია, ან გამოცდილი პროფესიონალის მიერ. ამიტომ თუ ახლო მომავალში გეგმავთ ექსტერიერის განახლებას, ან თუნდაც სრულიად ახალი საფეხურიდან დაწყებას OK! Magazine Georgia გირჩევთ Garden Design მომსახურებას, რომელიც ნამდვილად საოცარ სილამაზეს შესძენს თქვენს ბაღს და ზაფხულის სეზონს კიდევ უფრო ხალისიანს გახდის თითოეული თქვენგანისთვის. მაშ ასე წაიკითხეთ ინტერვიუ „ბაღის დიზაინის“ დამფუძნებელ სოფო ნოზაძესთან, რომელიც დეტალურად გვიამბობს კომპანიის მომსახურებების შესახებ.

გივი მამუკაშვილი

გვიამბეთ „ბაღის დიზაინის“ შესახებ, რამდენი ხანია, რაც კომპანია ქართულ ბაზარზე გამოჩნდა?
„ბაღის დიზაინი“ უკვე 7 წელია, რაც ქართულ ბაზარზე გამოჩნდა, თუმცა მცირე მოცულობის პროექტებზე იქამდეც ვმუშაობდით, სანამ კომპანია ოფიციალურ სახეს მიიღებდა. ჩვენი საქმიანობა ვრცელდება მთელი საქართველოს მასშტაბით და ნებისმიერ მოქალაქეს შეუძლია ისარგებლოს ჩვენი მომსახურებით.
„ბაღის დიზაინი“ არის ერთ-ერთი ყველაზე დიდი პასუხისმგებლობის მქონე კომპანია, რომლის საქმიანობაც თავიდან ბოლომდე, სრულად ასახავს სახელწოდებას, ანუ კომპანია აშენებს ბაღებს უმოკლეს დროში და რაც მთავარია უმაღლესი შედეგით. ჩვენი გუნდი სამუშაოს უდგება პროფესიონალურ დონეზე და აქვს საგარანტიო მომსახურება. ბაღის გაშენების შემდეგ თუ მცენარეს პრობლემა შეექმნება ვცვლით მას და გაშენებიდან პირველი 1 თვე ჩენ ვუვლით.
ვფიქრობ, რომ „ბაღის დიზაინი“ ერთ–ერთი პირველი კომპანიაა, რომელიც დიდი მასშტაბის ბაღებში შედის სამუშაოდ და ასეთ შედეგებს დებს. როდესაც მომხმარებლები იწყებენ ჩვენთან თანამშრომლობას დასაწყისშივე სრულ ნდობას გვიცხადებენ, რადგან დარწმუნებულები არიან საბოლოო შედეგში. ჩვენ ადამიანების ნდობა ძალიან მცირე დროში მოვიპოვეთ, რადგან საქმეს უდიდესი სიყვარულითა და პასუხისმგებლობით ვეკიდებით. ჩვენს ნამუშევარ ბაღებს "ჩვენს ბაღებს" ვუწოდებთ და მათზე ზრუნვას მუდმივად ვაგრძელებთ, ყოველწლიურად ვათვალიერებთ და ვაწყობთ ფოტოსესიებს, რაც ძალიან სასიამოვნო პროცესია კომპანიის გუნდის თითოეული წევრისთვის, შეიძლება ითქვას რომ ეს შედეგები სულიერად გვასაზრდოებს და გვაძლევს მეტ შემართებას.

ქეთი ქაღთველიშვილი

რას მოიცავს თქვენი მომსახურება?
ჩვენი საქმიანობა მოიცავს ლანშაპტის დიზაინის თავიდან ბოლომდე უზრუნვეყოფას, თუმცა მთავარი და ძირითადი გამწვანებაა, რადგან მწვანე სფერო თავისი დიზაინით ჩვენთვის პრიორიტეტულია. მარადმწვანე და მოყვავილე მცენარეების ძალიან ლამაზ კომპოზიციებს ვაკეთებთ, რაც ყოველთვის ძალიან დიდ გამოხმაურებასა და მოწონებას იმსახურებს.

ხათუნა გოდელაშვილი

როგორია მუშაობის პროცესი?
ჩვენი პირველი ვიზიტის დროს ვაკეთებთ პირველად მონახაზებს, ვიღებთ ფოტოებს და ვზომავთ ტერიტორიას. ამის შემდგომ დამკვეთთან სრულიად უფასოდ ვაგზავნით დენდროლოგიურ გეგმას თავისი ჩანახატით, პარალეურად ვუგზავნით ჩვენი მომსახურებისა და სურვილის შემთხვევაში საგარანტიო მომსახურების თანხის ოდენობას, იმ შემთხვევაში თუ მომხმარებელს არ სურს შეუძლია 15%–იანი ფასდაკლებით ისარგებლოს ჩვენს მცენარეებზე ან თავად შეიძინოს როგორიც მას სურს და ჩვენი კომპანია ამის მიხედვით ააწყობს ბაღის დიზაინს. მოკლედ, რომ ვთქვათ მომხმარებელს ჩვენთან შეუძლია შეუკვეთოს მხოლოდ პროექტი, დიზაინერის მომსახურება, დაიქირაოს მებაღე ან შეუკვეთოს პაკეტი, რომელიც მოიცავს სრულ მომსახურებას. კომპანიის საქმიანობა არ მოიცავს მხოლოდ ბაღის და ლაშაპტის დიზაინს, ასევე ვაწყობთ მწვანე კუთხეებს შიდა ინტერიერში და ვერანდებზეც.

გვესაუბრეთ გუნდზე, რომელიც „ბაღის დიზაინის“ უკან დგას.
ჩვენ გვყავს პროფესიონალებით დაკომპლექტებული გუნდი, რომლებიც კარგად იცნობენ მცენარეებს და იციან თითოეული მათგანის დარგვა, მოვლა და ხელმძღვანელობენ მომსახურების მაღალი სტანდარტებით. ჩვენი მომსახურება ვრცელდება როგორც კერძო სახლებზე, ასევე აგარაკებზე, რესტორნებზე, კაფეებზე, ვაკეთებთ, როგორც ვერტიკალურ, ასევე ჰორიზონტალურ დაკიდულ ბაღებს.
ბაღის გაშენების დასრულება, იმას არ ნიშნავს, რომ ჩვენ ვწყვეტთ მომხმარებლებთან კონტაქტს, ჩვენი თანამშრომლობა შეიძლება გაგრძელდეს ერთი წელი, ორი წელი და მეტიც, რადგან როგორც უკვე აღვნიშნეთ ორიენტირებულები ვართ შედეგზე და ჩვენთვის მნიშვნელოვანია თუ როგორ გამოიყურება ჩვენი ნამუშევარი წლების შემდეგ. ჩვენი კომპანიის სახელი სწორედ ამ შედეგებზეა დაყრდნობილი.

გვესაუბრეთ კომპანიის პრიორიტეტებზე
ჩვენი მიზანია თითოეული ბაღი, რომელსაც მოვაწყობთ ინდივიდუალურად შესწავლილ და გამოკვლეულ იქნას დენდროლოგიურად. ჩვენ ბაღს ვაშენებთ პროფესიონალურად, საგარანტიო მომსახურებით და სწორედ შერჩეული დენდროლოგიით. მუდმივი კონტაქტი და კომუნიკაცია გვაქვს მებაღეებთან, რათა მცენარეები მუდამ მოვლილი და აყვავებული იყოს.
სამუშაოს დამთავრებიდან პირველი ერთი თვე ვუვლით ბაღს, მთელი წლის განმავლობაში კი მინიმუმ სამჯერ ვიზიტს ვახორციელებთ და მეთვალყურეობას ვუწევთ ყველა დეტალს.

სამომავლო გეგმები
4500 კვ/მ-ზე საგურამოში ვაშენებთ ულამაზეს ბაღს, სადაც იქნება ხეხილის მრავალსახეობა, ასევე ბოსტნეული და დეკორატიული მცენარეები. ფაქტობრივად ეს იქნება ხეხილთან და ბოსტნეულთან შერეული დეკორატიული ბაღი, რომელიც მოეწყობა, როგორც ტურისტებისთვის ასევე ადგილობირვი ვიზიტორებისთვის.

FB: ბაღის დიზაინი/Garden Design / ბაღის დიზაინი

მის: დელისის ქ.#49ა

ნომ: 599 80 02 77