29 მაისს 22 წლის ბიზნესმენი და სატელევიზიო შოუს ვარსკვლავი - კაილი ჯენერი Forbes-მა ყველაზე ახალგაზრდა მილიარდერების სიიდან ამოშალა, რადგან გოგონას მონაცემთა გაყალბებაში ედება ბრალი. აღნიშნული ფაქტის გამო, როგორც ირკვევა, ჯენერს სასამართლო დავა და შესაძლოა თავისუფლების აღკვეთაც ემუქრებოდეს.

ფორბსის კალკულაციით, კაილის შემოსავალი 900 მილიონ დოლარს არ აღემატება და ოჯახმა ეს რიცხვი გააყალბა. მიმდინარე მოვლენების გამო, კრისი, რომელიც კაილის მოგების 10 %-ს იღებს, რადგან მისი პირადი მენეჯერია, სტრესულ მდგომარეობაში იმყოფება.

რასაც ემატება ის ფაქტიც, რომ კაილი დედასთან კონტაქტზე უარს ამბობს და მის ზარებსაც არ პასუხობს. "კრისს ეშინია, რომ კაილი მასთან კონტაქტს სამუდამოდ გაწყვეტს, ამასთანავე, დაძაბულოობა საკმაოდ ცუდად აისახება კაილის ბრენდზეც," - აღნიშნა ინსაიდერმა Daily Mail-თან ინტერვიუში.