ბოლო რამდენიმე დღეა, უცხოური პრესა აქტიურად განიხილავს მეგან ფოქსისა და ბრაიან ოსტინ გრინის დაშორების საკითხს. მიუხედავად იმისა, რომ 34 წლის ფოქსი ამ საკითხზე კომენტარს არ აკეთებს, 46 წლის გრინი გულახდილად გვიზიარებს ოჯახური დრამის დეტალებს.
ბრაიანი იხსენებს, თუ რა მიზეზით დაშორდა მას მეუღლე, "მან მითხრა - იცი, სანამ საზღვარგარეთ მიწევდა მუშაობა, მივხვდი რომ თავს იმ ადამიანად ვგრძნობდი, ვინს სინამდვილეში ვარ და მე მომწონდა ჩემი თავი. ვფიქრობ, მიღირს მარტო ყოფნა ვცადო.
ჩემთვის ეს მოულოდნელი იყო, მაგრამ მასზე არ ვბრაზობ, რადგან მას არ უნდოდა თავი ასე ეგრძნო, მას ეს არ აურჩევია,"- აღნიშნა ოსტინმა.
შეგახსენებთ, რომ წყვილი ერთად ათი წლის განმავლობაში იყო და მათ სამი საერთო შვილი - 7 წლის ნოა, ექვსი წლის ბოდი და სამი წლის ჯონი ჰყავთ.
აღსანიშნავია ისიც, რომ წყვილის დაშორებიდან მალევე გავრცელდა ხმები მეგანისა და Machine Gun Kelly-ის სასცენო სახელის მქონე 34 რეპერის რომანის შესახებ, რომლის უახლეს კლიპშიც სწორედ ცნობილი მსახიობი მონაწილეობს.