ბერლინის საერთაშორისო კინოფესტივალზე, სპეციალური პროგრამა "ევროპის ამომავალი ვარსკვლავი" ახალგაზრდა მსახიობებს განსაკუთრებული სამსახიობო შესრულებისთვის აჯილდოვებს. ყოველწლიურად ევროპის გარშემო ნიჭიერ ნომინანტებს ასახელებენ, საბოლოო გადაწყვეტილებით კი გერმანიის დედაქალაქს 10 არტისტი სტუმრობს. წელს მათ შორის საქართველოს წარმომადგენელი, 22 წლის ლევან გელბახიანი მოხვდა. ლევანს პრიზი გადაეცა ლევან აკინის ქართულ-შვედური ფილმისთვის "და ჩვენ ვიცეკვეთ".
ლევან გელბხიანი პროფესიით მსახიობი არაა, ის ჭაბუკიანის სახელობის ქორეოგრაფიულ სასწავლებელში სამსახიობო მიმართულებით სწავლობდა. თუმცა, ცეკვა მისი მოწოდებაა. რეჟისორმა ის სოციალური ქსელის, კერძოდ კი ინსტაგრამის მეშვეობით აღმოაჩინა და როლი შესთავაზა, თუმცა უარი 5-ჯერ მიიღო. კარგად დაფიქრების და ოჯახთან ერთად საკითხის გადააზრების შემდეგ, ლევანმა კონტრაქტს ხელი მოაწერა და ფილმის გადაღებებმაც ექსტრემალური დრო, 27 დღე დაიკავა. მსახიობმა პრესკონფერენციაზე აღნიშნა, რომ თავს საქართველოში გავრცელებული ჰომოფობიური დამოკიდებულებების გამო იკავებდა და ფილმის პრემიერას გარკვეული სახის პროტესტი მართლაც მოჰყვა. თუმცა ისიც აღნიშნა, რომ ბილეთები რამდენიმე საათში გაიყიდა და მხარდასაჭერ წერილებს ბევრი ადამიანისგან იღებდა.
"და ჩვენ ვიცეკვეთ" ქართული ანსამბლის წევრებზე მოგვითხრობს, რომლებიც საკუთრი თავის შეცნობას იწყებენ და ამავდროულად ყველაფერი ქართული რეალობის ფონზე ხდება. წარმოჩენილია თანამედროვე თბილისის სოციალური ფონი და გარკვეული მენტალური პრობლემები. აღსანიშნავია ფილმის ფინალი, რომელიც პროტაგონისტისთვის ფიზიკურად ყველაზე რთული გადასაღები აღმოჩნდა: ლევანის გმირი ათავისუფლებს საკუთარ თავს მკაცრად დამკვიდრებული მარწუხებისგან და სხეულით საკუთარ ქართულ ცეკვას ქმნის, რომელიც თურმე ისეთივე შეესანიშნავი შეიძლება იყოს, როგორც მასწავლებლის მიერ დამკვიდრებული "მასკულინური იმიჯი". ლევანმა ფილმის გმოსვლის შემდეგ უამრავი პრიზი მიიღო.
ჩვენ ლევნს პრესკონფერენციის დროს გავესაუბრეთ: