30 იანვრიდან საქართველოს კინოეკრანებზე გამოდის ფილმი "პატარა ქალები", რომელსაც დიდ საერთაშორისო წარმატებას უწინასწარმეტყველებენ. გრეტა გერვინგის მორიგი ნამუშევარი წლევანდელი "ოსკარის" ერთ-ერთი ფავორიტია.
1. საკულტო რომანის ეკრანიზაცია
ლუიზა მეი ოლკოტის რომანი „პატარა ქალები“ 1868 წელს გამოიცა და ამერიკულ ლიტერატურაში ერთ-ერთ საუკეთესო ნაწარმოებადაა აღიარებული. მისი ეკრანიზაცია რამდენჯერმე მოხდა, თუმცა გრეტა გერვინგი ისტორიას ტექსტთან ძალიან ახლოს ყვება.
სიუჟეტი ოთხ დას ეხება - მარგარეტს, ჯოს, ბეტს და ემის. ისინი ინგლისის პროვინციულ ნაწილში ცხოვრობენ სამოქალაქო ომის შემდეგ. მამა ფრონტზეა, სახლში დები და დედა არიან. სიღარიბის გამო ოჯახში სასოწარკვეთილება ისადგურებს, მაგრამ გოგონები ფარ-ხმალს არ ყრიან და ერთმანეთს მხარს უჭერენ, მიუხედავად იმისა, რომ რადიკალურად განსხვავებულები არიან. თითოეულ მათგანს თავისი ოცნება, ნიჭი და ცხოვრებისეული ხედვები აქვს.
2. პოპულარული მსახიობები
ფილმის ვარსკვლავური შემადგენლობა შთამბეჭდავია: სირშა რონანი, ტიმოთი შალამე, ემა უოტსონი, ლორა დერნი, მერილ სტრიპი, ჯეიმს ნორტონი და ლუი გარელი.
3. გრეტა გერვინგის რეჟისურა
„პატარა ქალები“ ამერიკელი მსახიობის, სცენარისტისა და რეჟისორის რიგით მეორე სრულმეტრაჟიანი ფილმია. მისი სარეჟისორო დებიუტი გახდა სურათი „ლედი ბერდი“, რომელმაც 2018 წელს „ოსკარის“ 5 ნომინაცია მიიღო. მთავარ როლებს იქაც სირშა რონანი და ტიმოთი შალამე თამაშობენ. ახალ ფილმში გრეტა პირველწყაროს დელიკატურ ინტერპრეტაციას ახდენს, ავრცობს ფემინიზმის და ქალური თვითგამორკვევის თემას.
4. კოსტიუმები
ფილმის გმირების ვარცხნილობებსა და სამოსზე შემოქმედებითმა გუნდმა განსაკუთრებული ყურადღება გაამახვილა. მაყურებელი აუცილებლად შენიშნავს, თუ როგორი დახვეწილია თითოეული კოსტიუმი და დეტალებამდე შემუშავებული. ისინი გადმოსცემენ ეპოქის სულს.
5. 6 ნომინაცია 2020 წლის „ოსკარზე“
„პატარა ქალები“ 6 „ოსკარის“ ქანდაკებისთვის იბრძვის: საუკეთესო ფილმის, საუკეთესო მსახიობი ქალის, საუკეთესო მეორეხარისხოვანი როლის, საუკეთესო ადაპტირებული სცენარის, საუკეთესო საუნდტრეკის და საუკეთესო კოსტიუმების კატეგორიაში.