საშობაო დღესასწაული მსოფლიოს გარშემო ოჯახთან ერთად გატარებულ საუკეთესო დროდ აღიქმება. ვარსკვლავური ოჯახები ხშირად გვაძლევენ შთაგონებას უცნაური თუ საინტერესო ტრადიციების დასამკვიდრებლად და ახალი წლის სასიამოვნოდ გასატარებლად.
ჯულია რობერტსი
ბევრი მშობლის მსგავსად, ჯულიაც ცოტა მეტხანს აცდევინებს ბავშვებს საჩუქრების გახსნამდე: „არავინ შედის მარტო მისაღებ ოთახში, სანამ ყველა ერთად არ შევალთ. ეს არის ტრადიცია“, − აცხადებს მსახიობი. მას ძალიან მოსწონს საშობაო სადილის მომზადება და წასახემსებელ კერძებზე ფიქრი.
ქეით ჰადსონი
„ყოველწლიურად, სანტა საჩუქრებს გახსნილ მდგომარეობაში ტოვებს, იმისათვის, რომ ბავშვებმა შეხედონ, რა მიიღეს. საჩუქარი ხშირად გამოხატავს ადრესატის განვლილ წელს. სანტა ჭკვიანია და მოზრდილებს სასაცილო საჩუქრებს ჩუქნის. ჩვენი დღესასწაული მის გარშემოა დაფუძნებული, ამიტომაც ვკითხულობთ The Night Before Christmas-ს − აცხადებს მსახიობი. ქეითი და მისი შვილები სანტას ყოველ წელს სხვადასხვაგვარად უმასპინძლდებიან.
კრის ჯენერი
კრისი მომაჯადოებელ წვეულებას გეგმავს. როგორც ოჯახის წევრები აცხადებენ, ეს ყველასთვის საყვარელი ღამეა წლის განმავლობაში. „ერთმანეთთან და მეგობრებთან ერთად მთელ ღამეს გემრიელი საკვების მირთმევაში, გართობასა და ცეკვაში ვატარებთ. ეს საუკეთესო დროა“, − აცხადებს კრისი. შობის დილას კი პიჟამოებით კომფორტულად გამოეწყობიან და ერთმანეთის საჩუქრებს ხსნიან.
კრისტენ ბელი და დაქს შეპარდი
კრისტენი და დაქსი ორ ქალიშვილთან − 5 წლის ლინკოლნთან და 3 წლის დელტასთან ერთად საინტერესო ტრადიციას მისდევენ. 3 კვირით ადრე ისინი სახლს მთლიანად რთავენ და ანათებენ. არდადეგების პერიოდში კი აუცილებლად მიემგზავრებიან სადმე და „საშობაო გასვლას“ აწყობენ. „ეს აუცილებლად გზის მეშვეობით ხდება, ამ დროს არ მივფრინავთ. გზაში სხვადასხვა ადგილას გაჩერება ჩვენი ტრადიციის ნაწილია“, − აცხადებს დაქსი.
კურტ რასელი
კურტ რასელს სანტა-კლაუსის პერიოდი განსაკუთრებულად უყვარს. „ჩვენთვის ნაძვის ხის მორთვა დატვირთული პროცესია. ამას შობის წინა დღეს და ღამითაც ვაკეთებთ. ცეცხლს ვანთებთ, პიჟამოებსა და სახალისო ფორმებში გამოვეწყობით და ვირჩევთ წევრს, რომელიც Twas the Night Before Christmas-ს წაიკითხავს.
ჯო, ნიკ და კევინ ჯონასები
ძმებ ჯონასებსაც ძალიან უყვართ არდადეგები და მათი ყოველწლიური ჩვეულება საკვებს უკავშირდება. „ყოველ წელს, შობის დილას ჩვენ ტამალებს ვამზადებთ და მივირთმევთ. ეს ტრადიცია დედაჩემმა წამოიწყო და ჩვენთვის ის ძალიან მნიშვნელოვანი რამაა, რადგანაც ამის კეთებაში გავიზარდეთ“, − აცხადებს ნიკი.
გვენ სტეფანი
გვენის სახლში კი მოთმინებაა მთავარი. შობის დილას, ამერიკული The Voice-ის ერთ-ერთი მწვრთნელი სახლის შემოსასვლელს და გზას, რომელსაც ნაძვის ხემდე და საჩუქრებამდე მივყავართ, შესაფუთი ქაღალდით ფარავს. ბავშვებმა ის უნდა გახიონ და დაბრკოლებები გადალახონ. „ყოველ წელს აუცილებლად ვიღებთ სპეციალურ ვიდეოს და ამ მშვენიერ ტრადიციას მუდამ ვხვეწთ“, − აცხადებს მომღერალი.
ქეითი ჰოლმსი
ქეითის ტრადიცია აქტიურად ყოფნაა. „მრავალი წლის წინ, მამაჩემმა წამოიწყო ეს ჩვეულება: ჩვენ ადგილობრივ პარკში დარბივართ. ეს 5-კილომეტრიანი რბოლაა და პრიზიც კი გვაქვს დაწესებული. ნამდვილად გასართობია“, − აცხადებს მსახიობი.
მერაია ქერი
მერაია ამ პერიოდში ძველი დროის გახსენებას ამჯობინებს და შობის წინ ოჯახთან ერთად, მარხილით სეირნობას აწყობს. „ერთი ან ორი ცხენისგან შემდგარ მარხილს ვირჩევთ და თოვლში ვსეირნობთ ვარსკვლავების ქვეშ. ყოველთვის ვსვამთ კაკაოს გასათბობად და ვმღერით“, − აცხადებს მომღერალი.
კრისი ტაიგენი და ჯონ ლეჯენდი
ცნობილი წყვილი ახალ წელს არა ტრადიციულ კერძებს, არამედ სწრაფ კვებას მიმართავს. „კრისის საყვარელი ტრადიციაა შობის წინ McDonald’s-ის მირთმევა და ეს ბავშვებსაც შეაყვარა“, − აცხადებს ჯონი.
რიზ უიზერსპუნი
რიზისთვის შინ ყოფნა და ოჯახის წევრებთან ერთად მაგიდასთან ჯანჯაფილის თაფლაკვერისგან სახლის გაკეთება საუკეთესო აქტივობაა. ისინი ასევე მღერიან საშობაო სიმღერებს ფორტეპიანოსთან და აცხობენ ორცხობილებს. „მიუხედავად იმისა, რომ ბავშვები უკვე დიდები არიან, შობასთან დაკავშირებით მუდამ საყვარელი მოგონებები აქვთ. გაიზარდნენ, მაგრამ სანტას წერილებს მაინც სწერენ“, − აცხადებს მსახიობი.
სანდრა ბალოკი
55 წლის სანდრას, ორი შვილის დედას, თავისი ტრადიცია აქვს: „როგორც წესი, მე ვიცვამ სანტას სამოსს და გარეთ ვიპარები, რათა მათ შეამჩნიონ, რომ შობის წინ, სიბნელეში სანტა დახეტიალობს. ხშირად მიზეზად ძაღლის გასეირნებას ვასახელებ. ხანდახან ამ საქმეს სიძეს ვაბარებ“, − აცხადებს მსახიობი.