დედასა და ქალიშვილს შორის ურთიერთობა ღრმა და ამოუხსნელია, რომელშიც სხვადასხვა განცდა ეტევა. წარმოგიდგენთ ემოციურად ყველაზე ძლიერ ფილმებს ამ თემაზე, რომლებიც ყველა ქალმა უნდა ნახოს.

#1 "შუშის სასახლე"

2017

ფილმი დაფუძნებულია ჟურნალისტისა და მწერლის, ჯანეტ უოლსის ავტობიოგრაფიულ წიგნზე, რომელშიც გოგონა ღიად და გულწრფელად ხსნის პიროვნულ ზრდას. წიგნი დიდი ხნის განმავლობაში იყო New York Times-ის ბესტსელერების სიაში და ბევრი ადამიანის სიყვარულიც დაიმსახურა. მთავარი გმირის დედა მხატვარია, მოშორებული რეალობას, უძლური ალკოჰოლიკი ქმრის წინაშე. სურათი სავსეა საინტერესო დიალოგებით და დედა-შვილს შორის დამყარებული კავშირის გაანალიზებით. დაგეხმარებათ ბავშვობის გადააზრებაში.

#2 "კაცები, ქალები და ბავშვები"

2014

ფილმი გვიყვება რამდენიმე ოჯახის ურთიერთობის შესახებ, რომლებშიც მშობლები ბავშვებთან საერთო ენის გამონახვას ცდილობენ ინტერნეტის ეპოქაში. ერთ-ერთი სიუჟეტური ხაზი ეძღვნება დედას, რომელიც ქალიშვილის კონტროლს ცდილობს: ამოწმებს მის კომპიუტერსა და ტელეფონს. ამით აგდებს ღრმა დეპრესიაში და ხვდება შეცდომებს.

#3 "პატარა ქალები"

1994

საკულტო ფილმი ვაინონა რაიდერის და კირსტენ დანსტის მონაწილეობით 4 დის ისტორიას გვიყვება, რომლებიც სამოქალაქო ომის დროს იზრდებიან. მაყურებელი გრძნობს თუ რამდენად მნიშვნელოვანია ოპტიმიზმით და სიყვარულით გაჯერებული ურთიერთობა დედასა და შვილებს შორის. სირთულეების მიუხედავად ისინი ბედნიერ ადამიანებად ყალიბდებიან და დამოუკიდებელ ცხოვრებაში აბიჯებენ. სურათი ნამდვილად გადმოგდებთ სითბოს.

#4 "მილდრედ პირსი"

2011

მინი-სერიალი, რომელიც 5 ეპიზოდისგან შედგება, მარტოხელა დედაზე მოგვითხრობს, რომელიც შვილებს მომავლის რწმენას უნერგავს. მას საუკეთესო უნდა შვილებისთვის, მაგრამ მანიპულაცის შედეგად მომუშავე ცხენად გადაიქცევა. ფილმი მოგვითხრობს სიყვარულსა და ეგოიზმზე, კონფლიქტებზე შვილებსა და მშობლებს შორის.

#5 "ყველგან, ოღონდ აქ არა"

1999

ურთიერთობა ექსცენტრიკულ დედასა და კონსერვატორ შვილს შორის. როგორ გადავჭრათ შინაგანი კონფლიქტები, როცა დედა-შვილი ხასიათებით ერთმანეთს ადგილს უცვლის? ნელ-ნელა მაყურებელი ხვდება, რომ მათ შორის არც ისეთი დიდი განსხვავებაა, პირიქით, ისინი გვანან ერთმანეთს. დედის მიდგომების წყალობით ქალიშვილი პატარაობიდანვე ეჩვევა დამოუკიდებლობას და ყოფნას იმად, რაც არის. სუზან სარანდონი და  ნატალი პორტმანი სამყაროს სხვა კუთხით დაგვანახებენ.