იქიდან გამომდინარე, რომ 22 წლის ამერიკელი მოდელი ბელა ჰადიდი მთელი მსოფლიოს მასშტაბით დიდი პოპულარობით სარგებლობს, ის მუდმივად პოზირებს ცნობილი ჟურნალებისთვის, ისევე როგორც მაღალი მოდის ბრენდებისთვის. ამჯერად ბელა ჰადიდმა Calvin Klein-ის სარეკლამო კამპანიისთვის განკუთვნილ ფოტოსესიაში მიიღო მონაწილეობა, რომელშიც მასთან ერთად მისი "პირველი სიყვარულიც" პოზირებდა.

Calvin Klein-ის თეთრეულის უკანასკნელი კოლექციისთვის ბელა ჰადიდმა საყვარელ არსებასთან, თავის კუთვნილ ცხენთან ერთად იპოზიორა, რითიც როგორც ჩანს, ძალიან ბედნიერია. ამაზე კი, ბელას მიერ გაზიარებული ფოტოები და თბილი კომენტარიც მეტყველებს.

სუპერმოდელმა Instagram-ის მეშვეობით გულშემატკივრებს ფოტოსესიის კადრებს მიღმა გადაღებული გამომწვევი სურათები გაუზიარა, რომელსაც საკმაოდ გულწრფელი კომენტარი დაურთო.

"ჩემი პირველი სიყვარული, ჩემი ნამდვილი ბედნიერება... ჩემი ცხენები. ჩემი კარიერის ერთ-ერთი ყველაზე ბედნიერი დღეები. Calvin მადლობა ამ ყველაფრისთვის," - წერს მოდელი.

ის ფაქტი, რომ ბელას ცხენები და ზოგადად ცხოველები ძალიან უყვარს, მისი გულშემატკივრებისთვის ახალი ამბავი ნამდვილად არ არის. მოდელმა ამ საკითხზე Vogue-ის მიერ 2018 წლის დეკემბერში მომზადებულ ვიდეოშიც ისაუბრა, სადაც მას ჟურნალისტმა  მას 73 კითხვა დაუსვა.