ოსკაროსანმა ნიკოლ კიდმანმა მონაწილეობა ჟურნალ Vanity Fair-ის გასაოცარ ფოტოსესიაში მიიღო და უფრო მეტიც, მაისის ნომრის ყდაც კი დაამშვენა. გარდა გადაღებისა, მსახიობმა ვრცელი ინტერვიუც მისცა, რომელშიც აქამდე გაუხმაურებელ დეტალებზე ისაუბრა.

ნიკოლმა მისი და კიტ ურბანის საერთო შვილებზე ისაუბრა. „ბოლო დროს ვცდილობ ჰოლივუდიდან რაც შეიძლება შორს ვიყო და უმეტესი დრო ჩემს საყვარელ მამაკაცს და შვილებს დავუთმო. მე შვილებს თავისუფლად ვზრდი, არაფერში არ ვზღუდავ. ბედნიერი ვარ ერთი მნიშვნელოვანი ფაქტით, ჩემი  შვილები მობილური ტელეფონის გამოყენებაზე უარს ამბობენ.

მსახიობმა სერიალ Big Little Lies-ის გადაღებებზეც ისაუბრა, რომლის პრემიერაც  HBO-ზე შემდეგ თვეში შედგება. ნიკოლს პარტნიორობას რიზ უიზენსპუნი და მერილ სტრიპი უწევენ. "წარმოგიდგენიათ, მერილ სტრიპთან ერთად მუშაობის საშუალება მომეცა, უფრო მეტიც თითქმის ყოველ დღე მე მასთან ერთად ვივახშმებ და უნიკალურ ისტორიებს მოვისმენ.“-განაცხადა ნიკოლმა ინტერიუში საუბრისას.