ბრიტნი სპირსი უკვე ერთი თვეა ფსიქიატრიულ კლინიკაში მკურნალობას გადის, ამის მიზეზი კი მამის ჯანმრთელობის მდგომარეობის გაუარესებაა, მისმა ავადმყოფობამ ბრიტნი იმდენად დასტრესა, რომ დეპრესიას საკუთარი ძალებით ვეღარ უმკლავდებოდა. აღდგომის დღესასწაულთან დაკავშირებით ბრიტნიმ კლინიკა ერთი დღით დატოვა, რადგან ეს მნიშვნელოვანი დღესასწაული ოჯახის წევრებთან ერთად გაეტარებინა.
37 წლის მომღერალი პაპარაცებმა ბევერლი-ჰილზსის ერთ-ერთ სასტუმროში საყვარელ მამაკაცთან სემ ასგართან ერთად დააფიქსირეს. როგორც კადრებიდან ჩანს, მათ არ სურდათ პაპარაცების ობიექტივში მოხვედრა, სემს ბრიტნი ხელმოკიდებული მიჰყავდა და ცდილობდა სასტუმროში რაც შეიძლება მალე შესულიყვნენ.