31 წლის მომღერლის რიანას კარიერულ სიახლეებს მისი გულშემატკივრები უკვე წლებია ელოდებიან, თუმცა უშედეგოდ. ის დროებით ჩამოშორდა თავის პროფესიას და საკუთარი ბრენდის ქალის თეთრეულის და პარფიუმერიის ბიზნესშია ჩართული. გარდა ამისა, რიანა ძალიან ხშირად ცნობილი ჟურნალებისთვისაც პოზირებს. მან Vogue-ის ყდა კიდევ ერთხელ დაამშვენა, ამჟამად ავსტრალიური. აღსანიშნავია ის ფაქტი, რომ სპეციალურად ამ გადაღებისთვის რიანამ დემნა გვასალიას უახლესი კოლექციის ორი მოდელი, მწვანე და თეთრი მაღალქუსლიანი ფეხსაცმელი მოირგო.
რიანა, როგორც ყოველთვის, ძალიან სექსუალური და მიმზიდველია, თავისივე ბრენდის ქალის თეთრეულში ის თამამად პოზირებს.
ფოტოსესიისთვის მომღერალს უცხო და განსხვავებული ჩაცმულობა შეურჩიეს.