48 წლის სუპერმოდელი ნაომი კემპბელი საზოგადოების ყურადღებას ყოველთვის იქცევს, ის ითვალისწინებს მოდის ტენდენციებს და თავს ყველაზე ტრენდული ჩაცმულობით იწონებს. ამჯერად ნაომი ნიგერიაში, მოდის კვირეულზე იმყოფება, სადაც ბრენდ Courreges-ს პიჯაკი და შარვალი მოიხდინა. კემპბელმა სეზონის ყველაზე პოპულარული ვარცხნილობა შეარჩია, ხოლო აქსესუარად დიდი ზომის სათვალე მოირგო.
ერთი დღით ადრე კი მოდელი სრულიად განსხვავებული ლუქით გამოჩნდა, მას ბრენდ ice Kayek-ის ვარდისფერი კაბა, ნარინჯისფერი საზაფხულო ფეხსაცმელი და პატარა ზომის ჩანთა ამშვენებდა.
ნაომიმ ნიგერიის მოდის კვირეულისთვის გამართულ საღამოზე ენერგიული და ამასთანავე სექსუალური ცეკვა შეასრულა, რომლის ყურების შემდეგ გულგრილი არავინ დარჩებოდა.
