Victoria’s Secret-ის ყოფილი მოდელი ალესანდრა ამბროსიო 38 წლის გახდა! იუბილემდე რამდენიმე დღით ადრე მოდელი მეგობრებთან ერთად მალიბუს ესტუმრა, 11 აპრილი კი ოჯახთან ერთად გაატარა და ამის ამსახველი კადრები გულშემატკივრებსაც გაუზიარა. მოდელი ასაკის მატების მიუხედავად კვლავ არაჩვეულებრივ ფორმაშია და სოციალურ ქსელშიც დიდი პოპულარობით სარგებლობს.

ალესანდრას შვილებმა დაბადების დღის სანთლით გაფორმებული ტორტი მიართვეს და მასთან ერთად ჩააქრეს, ასევე დაბადების დღის სიმღერა უმღერეს, ამ ყველაფრის ფონზე კი მოდელი ძალიან ბედნიერი ჩანდა. გარდა ამისა მოდელმა საჩუქრად მიღებული ულამაზესი თაიგულის ფოტოც გაგვიზიარა.

Victoria’s Secret-ის ყოფილმა "ანგელოზმა" დაბადების დღის ტორტი უმცროს ვაჟთან, 6 წლის ნოასთან ერთად ჩააქრო.

გარდა ოჯახის წევრებისა ალესანდრამ 38-ე დაბადების დღის მილოცვები კოლეგების როუზი ჰანტინგტონის, სარა სამპაიოსა და დოუთზენ კრუზისგანაც მიიღო, რომლებმაც მასთან ერთად გადაღებული ფოტოები და მილოცვები სოციალურ ქსელში გამოაქვეყნეს.