ბარბარა პალვინის შემდეგ Victoria’s Secret-ის ოჯახს კიდევ ერთი ახალგაზერდა მოდელი გრეის ელიზაბეტი შეემატა, რის შესახებაც ინფორმაცია სამოდელო სახლმა ოფიციალურად გაავრცელა. ამ სიახლეს არამხოლოდ გრეისი, არამედ მისი გულშემატკივრებიც განსაკუთრებით ელოდნენ. 22 წლის მოდელი Victoria’s Secret-ის ჩვენებაზე პირველად 2016 წელს პარიზში გამოვიდა, მოგვიანებით კი ის Pink-ის ხაზის სახედ დაასახელეს, ამიერიდან კი ულამაზესი გრეისი ბრენდის გრანდიოზული ჩვენებებისთვის ცნობილ ფრთებსაც მოიხდენს.

გრეისი ამ სიახლით უსაზღვროდ ბედნიერია და ამ მოვლენასთან დაკავშირებით კომენტარი სოციალურ ქსელშიც გააკეთა: "დაუჯერებელია! დილიდან ძლივს ვიკავებ თავს! იმ მომენტიდან, როდესაც დავიწყე სამოდელო ბიზნესში მოღვაწეობა, ჩემი ოცნება იყო Victoria’s Secret-თან თანამშრომლობა. დღეს კი სიამაყით შემიძლია განვაცხადო, რომ ახალი "ანგელოზი" გავხდი! მადლიერი ვარ ჩემი ოჯახის, მეგობრების და გულშემატკივრების მუდმივი თანადგომისა და რწმენისთვის. ჩემს თავგადასავალში თქვენ ყველაზე დიდი ძალა იყავით. ძალიან ველოდები ჩემი ცხოვრების ამ საინტერესო ეტაპის დასაწყისს. მიყვარხართ!"

გრეისს არაერთხელ უპოზიორია ისეთი ცნობილი გამოცემებისთვის როგორიცაა Vogue, EDIT, Style და სხვები.