4 აპრილს მილანში Versace-ს დიზაინერი ლუიჯი მასი 56 წლის ასაკში გარდაიცვალა, რისი მიზეზიც გულის შეტევა გახდა. მასიმ Versace-ს საკუთარი ცხოვრების 33 წელი მიუძღვნა და ამ წლების მანძილზე ცნობილი მსახიობების, მომღერლებისა და თუ მოდელებისთვის წითელ ხალიჩაზე გამოსასვლელად თვალისმომჭრელ სამოსს უმზადებდა. მისი მუდმივი კლიენტების სიაში შედიან უმა თურმანი, ანჯელინა ჯოლი, ლედი გაგა, ჯენიფერ ლოპესი, ამალ კლუნი, ირინა შეიკი და სხვები. სოციალურ ქსელში დიზაინერის გარდაცვალებას დიდი გამოხმაურება მოჰყვა, ერთ-ერთი გულისამაჩუყებელი პოსტი კი სწორედ ირინა შეიკს ეკუთვნოდა, რომელიც ლუიჯის ახლო მეგობარი იყო.

ირინამ ლუიჯისთან ერთად გადაღებული ფოტო და მის მიერ შექმნილი არაერთი ჩაცმულობა გაგვიზიარა, რასაც თბილი სიტყვები დაურთო.

"ყველაზე მორცხვი, სამართლიანი და კარგი ბიჭი. მე და Versace-ს მთელს ოჯახს უზომოდ მოგვენატრები!"- წერს ირინა.

მოდელის პოსტს პენელოპა კრუზი და კარლი კლოსი გამოეხმაურნენ და მომხდარის გამო მწუხარება გამოთქვეს.

ირინა შეიკის გარდა მომხდარ ტრაგედიას 48 წლის მსახიობი უმა თურმანიც გამოეხმაურა, მან ვიდეო და გულისამაჩუყებელი წერილი საკუთარ Instagram-ის გვერდზე გააზიარა.

ვიდეოში უმა ეკლესიაში ლუიჯისთვის სანთლებს ანთებს. " მომენატრები ლუიჯი. მთელი ჩემი ცხოვრების მანძილზე ეს ადამიანი Atelier Versace-სთან ერთად ქმნიდა ყველა იმ კაბას, რომელიც წითელ ხალიჩაზე მეცვა. ეს იყო ხელოვანი. სამყარო არ იქნება ისეთი ლამაზი მის გარეშე. "- წერს უმა თურმანი.