ჯენიფერ ლოპესმა Ebro Darden-ის შოუში თავისი ახალი სიმღერა Medicine წარადგინა და თან ვრცელი ინტერვიუ ჩაწერა, სადაც მან კარიერაზე და პირად ცხოვრებაზე ისაუბრა.

ჯენიფერმა ფილმ Hustler-ის გადაღებებზე ისაუბრა და აღნიშნა რომ საქმრო - ალექს როდრიგესი მას ძალიან ეხმარება. „რეალურად ალექსი უკეთესად იცნობს ღამის ცხოვრებას, როდესაც ის პატარა ბიჭი იყო ხშირად სტუმრობდა მსგავს ადგილებს. სტრიპტიზიორის როლის მორგება თავდაპირველად ძალიან გამიჭირდა, თუმცა დიდი შრომის შემდეგ სასურველ შედეგს მივაღწიეთ.“

ჯენიფერმა მისი და ალექსის პირველი შეხვედრა გაიხსენა. „ალექსი ისეთი მორიდებული და საყვარელი იყო, იმ წუთიდანვე მივხვდი, რომ ის საუკეთესო იქნებოდა.“

მომღერალს უყურადღებოდ არც ნიშნობის დეტალები დარჩენია - „მე არ ვიცი ალექსმა როდის მოიფიქრა და დაგეგმა ხელის თხოვნა, რადგან ეს ის საკითხი იყო, რომელზეც მანამდე არასდროს გვილაპარაია და შესაბამისად ჩემთვის შოკისმომგვრელი იყო. ყველაფერი საოცრად გამოუვიდა, უბედნიერესი ვიყავი.“