45 წლის სუპერმოდელი ჰაიდი კლუმი არჩევანს ყოველთვის კლასიკური სტილის სამოსზე აკეთებს და ხშირად ელეგანტური, გრძელი საღამოს კაბებით იწონებს თავს. ამჯერად ჰაიდი ბევერლი ჰილზის ქუჩებში მისთვის უჩვეულო, სპორტული ლუქით გამოჩნდა. ის თავს ბრენდ Adidas-ის დიდი ზომის მაისურით, სპორტული შარვლით და ბრენდ New Era NY Yankees-ის კეპით იწონებდა.

სუპერმოდელი 45 წლის ასაკში არაჩვეულებრივად გამოიყურება და მისი გარეგნობა ყურადღებას ყოველთვის იქცევს. ჰაიდი ყოველდღიურად ვარჯიშობს და საკუთარ თავს მოდუნების საშუალებას არ აძლევს.

კლუმის პირადი ცხოვრება საზოგადოების განხილვის თემაა. ის 2018 წელს Tokio Hotel-ის მუსიკოსზე ტომ კაულიცზე დაინიშნა, რომელზეც ჰაიდი 16 წლით უფროსია. საგრძნობლად დიდი ასაკობრივი სხვაობის გამო მას ხშირად აკრიტიკებენ, თუმცა მიუხედავად ამისა წყვილი ერთად ძალიან ბედნიერია.