2016 წელს მომღრალ სელინ დიონის მეუღლე რენე ანჯელილი 73 წლის ასაკში გარდაიცვალა. მან ქმრის სიკვდილი ტრაგიკულად გადაიტანა, თუმცა სამი შვილის წყალობით ის გადარჩა და ამ რთულ პერიოდს გაუმკლავდა.

მომღერალმა ერთ-ერთ გამოცემას ძალიან გულახდილი ინტერვიუ მისცა და რენე ანჯელილიზე ისაუბრა. „შეუძლებელია იყო ცოცხალი და ცხოვრებაზე უარი თქვა. ყველაფრის მიუხედავად მაინც წინ და წინ უნდა წახვიდე. უბრალოდ უნდა დახუჭო თვალები, შემდეგ გაახილო და წარმოიდგონო რომ თითქოს თავიდან დაიწყე ცხოვრება.“

სელინი ქმრის მადლიერია, მისი თქმით რენესთან გატარებულმა 21 წელმა მას ბევრი წინსვლა მოუტანა. „რენე ყოველთვის მასწავლიდა თუ როგორ ვყოფილიყავი ძლიერი და პოზიტიური. ის საუკეთესო მამა იყო, მე მას ვერასდროს ჩავანაცვლებ, თუმცა ვცდილობ ბავშვებს მამის გარეშე ცხოვრება შევუმსუბუქო.“

შეგახსენებთ, რომ სელინს და რენეს სამი შვილი ჰყავთ 18 წლის რენე ჩარლზი და 8 წლის ტყუპები ნელსონი და ედი.

მიუხედავად იმისა, რომ სელინმა რთულად გადაიტანა ქმრის გარდაცვალება, პირად ცხოვრებაზე უარი მაინც არ უთქვამს. მისი საყვარელი მამაკაცი 34 წლის ესპანელი მოცეკვავე პეპე მიუნოზია. წყვილი 2017 წლიდან ხვდება ერთმანეთს, თუმცა ოფიციალურად ისინი რამდენიმე თვის წინ პარიზის მოდის კვირეულზე გამოჩნდნენ.