ლეგენდარული ჯგუფის The Rolling Stones სოლისტი 75 წლის მიკ ჯაგერი ცნობილია თავისი რომანებით. მას 5 სხვადასხვა ქალისგან 8 შვილის ჰყავს, მათგან ყველაზე დიდი 45 წლისაა ხოლო ყველაზე პატარა 2 წლის ბიჭუნაა.
ჯაგერი ბოლოს 32 წლის მელანია ჰენრიკისთან ერთად იყო, რომელთანაც მას 2 წლის ბიჭუნა ჰყავს. წყვილს შორის ასაკობრივი სხვაობა საგრძნობლად დიდია, ჯაგერი გოგონაზე 43 წლით უფროსია. მიკის და მელანიას თანაცხოვრება ხანმოკლე აღმოჩნდა და მან მალევე ახალი საყვარელი ადამიანი 22 წლის კინოპროდიუსერი ნურ ალფალა გაიჩინა, თუმცა ეს გოგონაც მისი მორიგი გატაცება აღმოჩნდა და რამდენიმე თვეში დაშორდა, რის შემდეგაც ჯაგერი ისევ მელანიას დაუბრუნდა.
ნურ ალფალა
რამდენიმე დღის წინ ჯაგერი კანადაში ჩატარებული ტურის შემდეგ შვილთან და საყვარელ ქალთან მელანი ჰენრიკისთან ერთად დასასვენებლად მაიამიში გაემგზავრა. პაპარაცებმა ისინი სანაპიროზე დააფიქსირეს, დედა და მამა პატარა ბიჭთან ერთად ქვიშაში თამაშობდნენ.
მოგვიანებით კი წყვილი სასტუმროს აივანზე ჩახუტებულები შენიშნეს.