Victoria's Secret-ის ყოფილი მოდელი მირანდა კერი ფეხმძიმედაა! 35 წლის სუპერმოდელი და 28 წლის ევან შპიგელი მეორე შვილის დაბადებისთვის ემზადებიან, მათ სულ რაღაც 10 თვის წინ პირველი საერთო შვილი ჰარტი შეეძინათ და როგორც ჩანს კიდევ ერთ ოჯახის წევრის შემომატებას სულმოუთქმელად ელიან!

აღსანიშნავია, რომ მოდელს პირველი მეუღლის, ორლანდო ბლუმისგან 8 წლის ვაჟი ფლინი ჰყავს, რომლის აღზრდაშიც აქტიურადაა ჩართული.

მირანდა კერი, ორლანდო ბლუმი და ფლინ ბლუმი

ამ სასიხარულო სიახლის შესახებ მირანდა კერის მედიის ოფიციალურმა წარმომადგენელმა განცხადება გააკეთა. "მირანდა, ევანი, ფლინი და ჰარტი სულმოუთქმელად ელიან ოჯახის ახალ წევრთან შეხვედრას!"

შეგახსენებთ, რომ მირანდა და ევანი 2017 წელს დაქორწინდნენ, მოგვიანებით კი მოდელის ფეხმძიმობის შესახებ არსებული ინფორმაცია გავრცელდა. სულ რაღაც 10 თვეში კი ცნობილი ხდება, რომ ისინი საერთო ბავშვის მშობლები უკვე მეორეჯერ გახდებიან. ერთ-ერთ ინტერვიუში ევანმა ოჯახურ ცხოვრებაზე ისაუბრა და თქვა, რომ ძალიან კარგად გრძნობს თავს მამის ამპლუაში და ძალიან ბედნიერია.