48 წლის სუპერმოდელი კლაუდია შიფერი ბოლო დროს გადაღებებზე და ფოტოსესიებზე უარს ამბობს, თუმცა მან გამონაკლისი დაუშვა,  ჩინური Vogue-ისთვის იპოზიორა და ყდაც კი დაამშვენა. Vogue-ის მაისის ნომერი კარლ ლაგერფილდის ხსოვნას მიეძღვნა, სწორედ ამ მიზეზის გამო დათანხმდა კლაუდია ამ პროექტში ჩართვას.

კლაუდია შიფრმა Chanel-ის ჩვენებაში პირველად მონაწილეობა 1989 წელს მიიღო, ეს მისთვის სადებიუტო და ძალიან დასამახსოვრებელი გამოსვლა იყო. „კარლის დიდი დამსახურებაა ის, რომ ამდენი წლის განმავლობაში მე პოდიუმზე ვდგავარ. ის იყო პირველი ადამიანი, რომელმაც მაზიარა მოდის სამყაროს და ამ რთულ საქმეში გზა გამიკვალა.“-განაცხადა ინტერვიუში კლაუდიამ.

კლაუდიასთან ერთად Vogue-ის გადაღებაში საშა პივოვაროვა და გრეის ელიზაბეტი მონაწილეობდნენ. გოგონებმა დახვეწილი, ელეგანტური ჩაცმულობა მოირგეს, რომელიც რეტრო სტილის, კოკო შანელი დროს  მოდას იმეორებს.