ცნობილი ჰოლივუდური წყვილი ნიკოლ კიდმანი და ტომ კრუზი 11 წლიანი თანაცხოვრების შემდეგ 2001 წელს დაშორდა ერთმანეთს. მათ ორი საერთო შვილი 26 წლის იზაბელა და 24 წლის კონორი ჰყავთ, რომელიც ახლო მომავალში დაოჯახებას ფიქრობს და ქორწილის დეტალებს აგვარებს, თუმცა როგორც საზოგადოებისთვის გახდა ცნობილი ნიკოლი შვილის ამ მნიშვნელოვან დღეს არ დაესწრება.

ოჯახთან დაახლოებულმა პირმა ერთ-ერთ გამოცემას განუცხადა, რომ ტომ კრუზმა შვილს მოთხოვნა წაუყენა იმის შესახებ, რომ საკუთარ ქორწილში დედა არ დაეპატიჟებინა. კონორი არ წასულა მამის სურვილის წინააღმდეგ და დაუყოვნებლივ დათანხმდა.

ყველასთვის ცნობილია, რომ ტომ კრუზსა და კონორს ძალიან ახლო ურთიერთობა აქვთ ერთმანეთთან და მამის სიტყვას შვილი ძალიან დიდ პატივს სცემს.

ნიკოლ კიდმანს ამ თემასთან დაკავშირებით კომენტარი არ გაუკეთებია, თუმცა რამდენიმე კვირის წინ მიცემულ ინტერვიუში მან შვილებზე ისაუბრა. „პირადი ცხოვრება და შვილები ჩემთვის ძალიან მნიშვნელოვანი საკითხია, ყოველთვის ვცდილობ ეს ხალხის საჭორაო და განსახილველი არ იყოს. მე დარწმუნებული ვარ, რომ ჩემი შვილებისთვის სიცოცხლესაც კი დავთმობ. ისინი დამოუკიდებელი ადამიანები არიან და გადაწყვეტილებასაც თავად იღებენ, ჩემი როგორც დედის მოვალეობა მხოლოდ მათი სიყვარულია.“