34 წლის კალათბურთელმა კრის ხამფრისმა და კიმ კარდაშიანმა 2010 წელს იქორწინეს, თუმცა ორთვიანი თანაცხოვრების შემდეგ წყვილი ერთმანეთს დაშორდა. კრისს აქამდე მისი და ყოფილი მეუღლის ურთიერთობაზე საჯაროდ კომენტარი არასდროს გაუკეთებია, რამდენიმე დღის წინ კი მან დიდი წერილი გამოაქვეყნა, რომელშიც  კიმმზე ისაუბრა.

„რამდენიმე წლის წინ შევხვდი ძალიან ცნობილ გოგონას, რომელმაც ჩემი ცხოვრება თავდაყირა დააყენა, თუმცა ყველაფერი დროებითი აღმოჩნდა. ჩვენი დაშორების შემდეგ ხალხი ფიქრობდა, რომ ეს ყველაფერი დადგმული სცენა იყო და ჩვენ უსიყვარულოდ შევქმენით ოჯახი, მაგრამ ეს სიცრუეა, ჩვენ ერთმანეთთან დიდი გრძნობა გვაკავშირებდა, თუმცა არსებობდა პრობლემები, რომლებსაც ვერ გავუმკლავდით.“

„კიმთან დაშორება ძალიან მტკივნეულად გადავიტანე. საკუთარი თავი მეზიზღებოდა, გარეთ გასვლა არ მინდოდა, რადგან ვიცოდი ყველა ჩემს გამოჩენას და დაფიქსირებას ელოდებოდა. ერთადერთი, რაც სტრესის დაძლევაში დამეხმარა ისევ ჩემი პროფესია იყო. არ დავნებდი და გავაგრძელე ყოველდღიური ვარჯიშები.“