უკვე დიდი ხანია, რაც საზოგადოება მეგან მარკლისა და პრიანკა ჩოპრას ურთიერთობაზე საუბრობს, არაერთხელ გავრცელდა ჭორები, რომ მათ შორის გარკვეული დაძაბულობა არსებობდა. სწორედ ამიტომ 36 წლის მსახიობმა ამ ყველაფერს პირდაპირ ეთერში სინათლე მოჰფინა და გულშემატკივრებს ხშირად დასმულ კითხვებზე პასუხები გასცა.
პრიანკა ჩოპრა ენდი კოენის გადაცემაში, Watch What Happens Live-ში იყო მიწვეული, სადაც მას გულშემატკივრები მათთვის საინტერესო საკითხებზე კითხვებს უსვამდნენ. მათ შორის იყო შეკითხვა სწორედ მეგან მარკლთან და მის "baby shower"-თან დაკავშირებით, რომელსაც პრიანკა ვერ დაესწრო და ზუსტად ამ ფაქტს მოჰყვა საზოგადოების მხიდან თემისადმი დაინტერესება. კითხვაზე კი, სიმართლეა თუ არა ეს, პრიანკას ძალიან გაეცინა და უარყოფითი პასუხი გასცა.
მსახიობს ასევე ჰკითხეს რეალური იყო თუ არა ჭორი იმ ფაქტზე, რომ პრიანკასა და ნიკ ჯონასის ინდოეთში გამართულ ქორწილს, სასექსის ჰერცოგინია მორიგი "უთანხმოების" გამო არ დაესწრო. ამ კითხვაზე პასუხიც რაღა თქმა უნდა იყო "ღმერთო ჩემო, არა ეს არ არის სიმართლე".
პირველად მეგანისა და პრიანკას შორის არსებულ "შუღლზე" საზოგადოებამ საუბარი 2018 წლის მაისში მეგანისა და ჰარის ქორწილის შემდეგ დაიწყო.
სინამდვილეში მიზეზი რის გამოც პრიანკამ მეგანისთვის მოწყობილ ღონისძიებაზე მისვლა ვერ მოახერხა, მისი გადატვირთული გრაფიკია. მსახიობი ამჟამად წიგნს წერს, რომლისთვისაც გარკვეულ შეხვედრებზე უწევს სიარული და მისი დაკავებულობის მიზეზიც სწორედ ეს გახლდათ.
მეგანი და პრიანკა 2016 წლის იანვრიდან მეგობრობენ, როდესაც ისინი ერთად Elle Women in Television-ის წვეულებას ესტუმრნენ.