საყიდლებზე გასული კიმ და კორტნი კარდაშიანები საზოგადოებას უყურადღებოდ არ დარჩენია და როგორც წესი, მათი ჩაცმულობაც განიხილა. დები ერთმანეთისგან სრულიან განსხვავებული ლუქით გამოჩნდნენ. კორტნის ჩაცმულობა რეტრო სტილში იყო გადაწყვეტილი, ხოლო კიმმა არჩევანი მთლიანად თეთრ ჩაცმულობაზე გააკეთა, მას ტანზე მომდგარი შარვალი და თბილი ქურთუკი ამშვენებდა.

დებისთვის ეს გამოჩენა არც პირველი ყოფილა და არც იშვიათი. მათ ერთმანეთთან იდეალური ურთიერთობა აქვთ და ერთადაც ხშირად ჩნდებიან.

კიმი ბოლო დროს აქტიურად მუშაობს თავისი კოსმეტიკური ბრენდის პიარზე და მის გამომწერებს ახალ პროდუქტებს უზიარებს.

ტელევარსკვლავმა გულშემატკივრების ყურადღება კიდევ ერთი ფაქტით მიიპყრო. როგორც ყველასთვის ცნობილია, ის უკვე რამდენიმე წელია ფსორიაზს ებრძვის. რამდენიმე დღის წინ მან ფსორიაზიანი სახის ფოტო გამოაქვეყნა. კადრებში ის მაკიაჟის გარეშე ფიგურირებს და მისმა ამ თამამმა ნაბიჯმა საზოგადოების ყურადღება იმთავითვე მიიქცია.