მიუხედავად იმისა, რომ მაილი უკვე ლიამ ჰემსვორტის მეუღლეა, ამერიკის ყველაზე ეპატაჟური პოპ-ვარსკვლავის სტატუსს მაინც ძველებურად ინარჩუნებს. ამჯერად მან კიდევ ერთ ფოტოსესიაში მიიღო მონაწილეობა, რომლის გამომწვევ კადრებსაც სოციალურ ქსელში გვიზიარებს.
მაილი საცურაო კოსტიუმშია გამოწყობილი, რომელსაც დაახლოებით ნახევარი კილოგრამის ოდენობის ბრილიანტისა და ოქროს სამკაულებით აფორმებს.
მაილის თითო ხელზე 6 სამაჯური, ამავე რაოდენობის ყელსაბამი და ბეჭდები უკეთია, რომლებსაც მომღერალი ყოველდღიურად ხმარობს.
ფოტოსესიის ავტორი პარიზში მოღვაწე ფრანგი ფოტოგრაფი ელის მუატიეა.
როგორც ყველა ფოტოსესიაში, აქაც შეხვდებით მაილის შიშველ ფოტოს.
აღსანიშნავია, რომ ეს მაილისა და ელისის პირველი ერთობლივი ფოტოსესია არაა. 2017 წელს მაილიმ Converse-ს რეკლამისთვის განკუთვნილ გადაღებაში მიიღო მონაწილეობა, ფოტოგრაფის როლში კი სწორედ ელის მუატიე იყო.
