ჯენიფერ ლოპესი ორი შვილის მაქსიმილიანის და ევას დედაა. მომღერალი მათ ცხოვრებაში აქტიურად არის ჩართული და ხშირად მათი საყვარელი კადრებითაც გვანებივრებს. ამჯერად ჯენიფერმა მისი ერთ-ერთი ცნობილი ჰიტი გამოაქვეყნა, ანიმაციური ფილმიდან Feel the Light, რომელსაც პატარა ევა არაჩვეულებრივად ასრულებს. გოგონას ეს სიმღერა შემთხვევით არ აურჩევია, მას ძალიან უყვარს ანიმაციური ფილმი home შესაბამისად და ეს სიმღერაც დედის რეპერტუარიდან განსაკუთრებულად საყვარელია მისთვის. გოგონას გვერდს ძმა უმშვენებს, რომელიც მისი სიმღერის ფონზე ცეკვავს.

„ამ ვიდეოს ტელეფონში შემთხვევით წავაწყდი, საოცრად ასრულებთ ჩემო პატარებო, ძალიან ამაყი ვარ.“- ასე დაასათაურა ჯენიფერმა ვიდეო.

შეგახსენებთ, რომ 9 მარტიდან ალექს როდრიგესი და ჯენიფერ ლოპესი ოფიციალურ ურთიერთობაში არიან. ლოპესი თავის ორ შვილს მაქსიმილიანს და ემას როდრიგესის ორ გოგონასთან ელასთან და ნატაშასთან ერთად ზრდის. ბავშვებს ერთმანეთთან არაჩვეულებრივი ურთიერთობა აქვთ და მშობლები ხშირად მათ საერთო ფოტოებს გვიზიარებენ.