ჰარპერის დაბადებისთანავე, დევიდს ერთადერთ ქალიშვილთან ყოველთვის განსაკუთრებული ურთიერთობა ჰქონდა. 43 წლის ფეხბურთელი ჰარპერთან ერთად გადაღებულ ფოტოებსა და შვილისადმი მიძღვნილ თბილ სიტყვებს გულშემატკივრებს ხშირად უზიარებს. ჰარპერი და დევიდი ერთად საკმაოდ დიდ დროს ატარებენ, ამჯერად ისინი გაზაფხულის მზიან დღეს ლონდონში შოპინგისას შენიშნეს.

მამა-შვილმა ერთად 7 წლის ჰარპერისთვის ახალი სათვალე შეიძინა, რითიც გოგონა საკმაოდ კმაყოფილი ჩანდა.

ისინი ლონდონის ქუჩებში გაბრწყინებული სახეებით, ხელჩაკიდებულები მოსეირნობდნენ და ძალიან ბედნიერები იყვნენ. განსაკუთრებით კი ჰარპერი, რომლის მეორე ხელიც კანფეტით იყო დაკავებული.

ფეხბურთელი როგორც ყოველთვის გემოვნებიანი იმიჯით იყო წარმოდგენილი, მან შვილთან ერთად სეირნობისთვის Saint Laurent-ის 2335 ფუნტის ღირებულების მოსაცმელი მოიხდინა, რომელსაც თავისი საფირმო ქუდი და სადა სტილის სამოსი შეუხამა.

დევიდის მეუღლეს, ვიქტორია ბექჰემს არაერთ ინტერვიუში უსაუბრია იმაზე, თუ როგორი არაჩვეულებრივი მამა და ქმარია დევიდი და ამაში საზოგადოება მისი ყოველი გამოჩენის შემდეგ რწმუნდება.

"ლონდონში ყოფნისას, მას ყოველთვის მიჰყავს ბავშვები სკოლაში, ეხმარება მეცადინეობაში და უმზადებს ვახშამს. მე ხომ არასოდეს ვდგავარ გაზქურასთან - გამოტყდა ვიქტორია. - როდესაც ჩვენ ვცხოვრობდით ესპანეთში, მე ხშირად ვამზადებდი საჭმელს, მაგრამ ახლა ყოველთვის გვიან ვბრუნდები სახლში, ამიტომ მსგავს საკითხებზე დევიდი ზრუნავს."- განაცხადა ვიქტორიამ ერთ-ერთ ინტერვიუში.