დედოფალი ელიზაბეტი და ქეით მიდლტონი საჯარო შეხვედრაზე სხვა ოჯახის წევრების გარეშე პირველად გამოჩნდნენ, ისინი ერთად ლონდონის ერთ-ერთ პრესტიჟულ უნივერსიტეტს, King's College-ს ესტუმრნენ.
გავლენიანი ქალბატონები ერთად მსგავს შეხვედრაზე არასდროს შეუნიშნავთ და როგორც ჩანს, ყოველდღიურ საქმიანობაში ერთობლივი ჩართულობით ორივე მათგანი ძალიან კმაყოფილია.
ქეითმა დედოფალთან ერთად დაგეგმილი საქმიანი შეხვედრისთვის Catherine Walker-ის ნაცრისფერი მოსაცმელი, Gianvito Rossi 510 ფუნტის ღირებულების ფეხსაცმელი და Mulberry-ს შავი ჩანთა შეარჩია.
ამ ყველაფერს, ახალგაზრდა ჰერცოგინიამ ერთი მნიშნველოვანი აქსესუარი, ქუდი დაუმატა, რომელიც დიდი ალბათობით დედოფლის საპატივცემულოდ დაიხურა.
რა თქმა უნდა, ქეითის ჩაცმულობამ საზოგადოებისგან შენიშვნა ამჯერადაც დაიმსახურა, რადგან კემბრიჯის ჰერცოგინიამ იგივე შავი ქუდი მოიხდინა, რომელიც მას 2012 წელს, დედოფალთან ერთად ლესტერში გამოსვლისას ამშვენებდა.
დედოფალი კი, როგორც ყოველთვის, მოწოდების სიმაღლეზე იყო, მან ამჯერად Stewart Parvin-ის ვარდისფერი მოსაცმელი მოიხდინა, რომელსაც იმავე ფერის Rachel Trevor-Morgan-ის დახვეწილი ქუდი შეუხამა.
მიუხედავად იმისა, რომ ქეით მიდლტონი და დედოფალი ერთად არაერთ მნიშვნელოვან ღონისძიებას დასწრებიან, ეს იყო მათი პირველი ერთობლივი საჯარო შეხვედრა ბუკინგემის სასახლის გარეთ, ოჯახის სხვა წევრების გარეშე.
გარდა იმისა, რომ ქალბატონები ერთად ძალიან ბედნიერები ჩანდნენ, პაპარაცების ობიექტივში დედოფალი და ქეითი მანქანიდან გადმოსვლამდეც მოხვნდნენ. როგორც აღმოჩნდა, დედოფალს მგზავრობისას ფეხებზე პლედი აქვს მოფარებული, რომელსაც ქეითსაც უზიარებს.
შეხვედრა დეკორატიული ფირფიტის გამოჩენით დასრულდა, რომელსაც ნაჭერი უნივერსიტეტის მეპატრონემ, დედოფალმა ელიზაბეტმა მოხსნა. ფირფიტა Bush House-ის გახსნას მიეძღვნა. შემდეგ კი, ქეით მიდლტონმა და დედოფალმა ერთად სტუმრების წიგნშიც მოაწერეს ხელი.