მიუხედავად იმისა, რომ დიდ ბრიტანეთში Baby Shower-ის რიტუალი არც ისე ტრადიციულად ითვლება, სასექსის ჰერცოგინია უკვე მეორედ გახდება ამ ღონისძიების მოწყობის მიზეზი, თუმცაღა ამჯერად დღესასწაული უკვე ლონდონში მეგანისა და ჰარის ინგლისელ მეგობრებთან ერთად გაიმართება.

Baby Shower მომავალი ბავშვისადმი მიძღვნილი წვეულებაა, სადაც ფეხმძიმე ქალბატონს მეგობრები გულშემატკივრობენ და შვილისთვის საჭირო ნივთებს ჩუქნიან. სულ ცოტა ხნის წინ მეგანის პირველი Baby Shower ნიუ-იორკში ვიხილეთ, რომელიც მას ამერიკელმა მეგობერბმა New York's Mark hotel-ში მოუწყვეს, რომლის პენტ-ჰაუსის დღიური საფასური 60000 ფუნტია. ახლა კი ამ ღონისძიების ბრიტანულ ვერსიას ვნახავთ, რომელსაც როგორც ცნობილია თვით ქეით მიდლტონი უკეთებს ორგანიზებას.

შეგახსენებთ, რომ ქეითი ამერიკაში ჩატარებულ წვეულებას არ დასწრებია, თუმცაღა გულიც არ დასწყვეტია, რადგან როგორც აღმოჩნდა მეგანისთვის ასეთი სიურპრიზი ჰქონდა მოფიქრებული.

აღსანიშნავია, რომ ამჯერად სტუმრების სიაში ამერიკიდან მხოლოდ მეგანის დედა დორია რეგლანდი იქნება, რაც შეეხება ინგლისელი მეგობრების სიას, ჯერჯერობით ცნობილი მხოლოდ ისაა, რომ ვიქტორია ბექჰემი ამ ღონისძიებას აუცილებლად დაესწრება.