პრინცი ჰარისა და მეგანის პირველი შვილის დაბადებამდე კიდევ ერთი თვე დარჩა, იქამდე კი ჰარის ბიძაშვილმა ზარა ტინდალმა მას 10 თვის ქალიშვილი ლენა მოანათლინა. მიუხედავად იმისა, რომ მეგანმა სულ ახლახანს აიღო შვებულება, რადგან მისთვის აქტიური ცხოვრების სტილი უკვე საკმაოდ დიდ სირთულეს წარმოადგენს, ის მეუღლესთან ერთად ჩერინგტონში, წმინდა ნიკოლასის ეკლესიაში ლენას ნათლობას დაესწრო.
ფეხმძმიმე ჰერცოგინიამ ნათლობის ცერემონიისთვის ყავისფერი ფერის მოსაცმელი შეარჩია, რომელიც დიდი ზომის პრიალა ღილებით იყო გაფორმებული. კლასიკურ ჩაცმულობას მეგანმა ფრანგული სტილის შავი ბერეტი და ამავე ფერის პატარა ჩანთა შეუხამა.
ლენას ნათლობას მისი დიდი ბებია, დედოფალი ელიზაბეტიც დაესწრო, რომელიც როგორც ყოველთვის პროტოკოლის მიხედვით იყო ჩაცმული.
ზარა ტინდალი დედოფლის ყველაზე უფროსი შვილიშვილია, ის პრინცესა ენისა და მარკ ფილიპსის შვილია, რომელსაც სულ რაღაც 10 თვის წინ ქალიშვილი ლენა შეეძინა.