4 მარტს ყველასთვის ცნობილი და საყვარელი ელექტრონული ჯგუფის სოლისტი კით ფლინტი საკუთარ სახლში 49 წლის ასაკში გარდაიცვალა, რისი მიზეზიც ექსპერტიზის თანახმად თვითმკვლელობა აღმოჩნდა.

როგორც ცნობილია, მომღერალმა თავი ჩამოიხრჩო, თუმცა მომავალი თვეების მანძილზე ტოქსიკოლოგები კიდევ უფრო დეტალური ინფორმაციის დადგენას შეეცდებიან.

მიუხედავად იმისა, რომ მუსიკოსის გარდაცვალების მიზეზი თავიდანვე ცნობილი არ იყო, მისი ჯგუფის წევრმა, ლიამ ჰოულეტმა სოციალურ ქსელში 4 მარტს ბენდის Instagram-ის გვერდზე დაწერა - "our brother Keith took his own life " - "ჩვენმა ძმამ, კითმა თავი მოიკლა". როგორც ჩანს მისმა მეგობრებმა სიმართლე გარდაცვალების დღიდანვე იცოდნენ, თუმცა მიუხედავად ამისა ეს მათთვის მაინც შოკი იყო.

"I’m shell shocked, fuckin angry, confused and heart broken" - "შოკში ვარ, ძალიან გაბრაზებული, დაბნეული და გულგატეხილი ვარ" - წერს ლიამი ბენდის ოფიციალურ გვერდზე.

კით ფლინტი Prodigy-ს თავდაპირველად მოცეკვავის ამპლუაში შეუერთდა, თუმცაღა მალევე მოიპოვა ჯგუფის მთავარი მომღერლის სტატუსი და ბენდმა გამოუშვა ალბომი სახელად "The Fat of the Land", რომელშიც შედიოდა ყველაზე პოპულარული ჰიტები, როგორებიცაა “Breathe,” “Firestarter” და “Smack My Bitch Up.”