#OK! 5 ხმაურიანი პრემიერა თქვენთვის და თქვენი პატარებისთვის!
10:13 / 13.03.2019
2019 წელს ყველასათვის საყვარელი Disney-ს სტუდია ანიმაციური ფილმების ახალ ეკრანიზაციას გვიმზადებს. ალადინი, დამბო, მეფე ლომი, თქვენი და თქვენი შვილების საყვარელი პერსონაჟები დიდ ეკრანებზე კიდევ ერთხელ გაცოცხლდებიან!
ალადინი, რომელიც პირველად 1992 წელს გამოვიდა, კიდევ ერთხელ დაბრუნდება დიდ ეკრანზე. ჯინის როლს კი, ფილმში ყველასათვის საყვარელი მსახიობი, უილ სმითი შეასრულებს. ოფიციალური გამოშვების თარიღი კი 2019 წლის 22 მაისი იქნება.
ანიმაციური ფილმის, Frozen-ის მთავარ პერსონაჟს ცნობილი მსახიობი კრისტენ ბელი გაახმოვანებს, თქვენი პატარების საყვარელი ანიმაციის მეორე ნაწილის პრემიერა კი 2019 წლის 20 ნოემბერს შედგება.
Disney-ის ერთ-ერთი ყველაზე ძველი ანიმაციური ფილმის, მეფე ლომის პრემიერა 17 ივლისს შედგება. ფილმის ორიგინალი ვერსია ეკრანებზე 1994 წელს გამოვიდა. მთავარი პერსონაჟის გამხმოვანებელი ყველასათვის საყვარელი და ცნობილი ჩივეტელ ეჯიოფორი იქნება.
პატარა სპლიყვის ისტორია, რომელიც თავისი უზარმაზარი ყურების დახმარებით ფრენას შეძლებს, მეგობრებთან ერთად ცირკის გადარჩენას ცდილობს. დიდებისა და თუ პატარების ერთ-ერთი უსაყვარლესი ზღაპრის ახალ ეკრანიზაციაში ცნობილი მსახიობები, ევა გრინი და კოლინ ფარელი მონაწილეობენ. ანიმაციური ფილმის მსოფლიო პრემიერა 28 მარტს შედგება.
და ბოლოს, თქვენი საყვარელი ვუდი და მისი მეგობრები კიდევ ერთ თავგადასავალში მიიღებენ
თქვენთან ერთად მონაწილეობას. კიანუ რივზი და ტომ ჰენქსი გაახმოვანებენ ანიმაციურ ფილმის მეოთხე ნაწილს, რომელიც 2019 წლის ივნისში გამოვა.