ვიქტორია ბექჰემმა ქალთა საერთაშორისო დღე დედასთან და დედამთილთან ერთად საკუთარ მაღაზიაში გაატარა, მოგვიანებით კი ლონდონის ერთ-ერთ ცნობილ კლუბს Annabel’s-ს ესტუმრა.
44 წლის დიზაინერი თვალისმომჭრელად გამოიყურებოდა, მან დღესასწაულისთვის შავი ფერის ელეგანტური ჩაცმულობა შეარჩია. ვიქტორიას კუთვნილი ბრენდის 1400 ფუნტის ღირებულების მოსაცმელი ეცვა, რომელსაც შავი კლასიკური შარვალი, ამავე ფერის ორიგინალური ზედა და მაღალქუსლიანი ფეხსაცმელი შეუხამა.
ვიქტორიას დედა ჯეკი და მისი დედამთილი სანდრაც შავი ფერის კლასიკურ სამოსში იყვნენ გამოწყობილნი, ქალბატონებმა კამერების წინ ერთად იპოზიორეს.
ვიქტორია დედასთან და დედამთილთან ერთად
აღსანიშნავია, რომ ქალთა დღე არც დევიდს გამორჩენია, მან დღესასწაული მეუღლეს, უმცროს ქალიშვილ ჰარპერსა და დედას სოციალური ქსელის მეშვეობით მიულოცა. მან ოჯახის იშვიათი ფოტოებიც გაგვიზიარა.
"დღეს ქალთა საერთაშორისო დღეს აღვნიშნავთ.. უბედნიერესი ვარ, რომ ეს არაჩვეულებრივი ქალბატონები ჩემს ცხოვრებაში არიან, ისინი ყოველ დღე შთამაგონებენ.. ვულოცავ ქალთა საერთაშორისო დღეს მსოფლიოს ყველა განსაკუთრებულ ქალბატონს" - წერს ყოფილი ფეხბურთელი.